ءوزىنىڭ facebook الەۋمەتتىك پاراقشاسىندا جۋرناليست بەكجان ىدىرىسوۆ مىنانداي مازمۇندا حات قالدىرىپتى:

"ءبىر نارسەنى ءتۇسىندىرىپ كەتەيىن. مەن قازاقستاننان ءقازىر جىراقتامىن. ۋاقىتشا ەمەس تۇپكىلىكتى كەتتىم دەگەن ۇمىتتەمىن. ەلدەن كەتۋ جايلى شەشىمدى ۇزاق ويلانباستان شاپشاڭ تۇردە قابىلدادىم. شەشىمىم دۇرىس ەكەندىگىنە ەكى اپتادان سوڭ كوزىم جەتتى. ەكى اپتادا ءبىر قازاقتى كورمەگەنىمە قايعىرۋدىڭ ورنىنا قۋاندىم. سويتسەم، قازاقتاردان ابدەن شارشاپپىن. قازاقستاننان جالىعىپپىن. قازاق جۇرگەن جەردە ماقتانشاقتىق بىرگە ىلەسىپ جۇرەدى. قازاق كەۋدەنى كەرمەي، ىستەگەنىن كوزگە شۇقىپ، ماقتانباسا بولمايدى.
تويدى دا، كىشىگىرىم باس قوسۋدى دا ماقتانۋ ءۇشىن ۇيىمداستىرادى. قازاقتار ماقتانۋ بويىنشا الەم چەمپيوندارى. ماقتانۋ – قازاقتىڭ ومىرلىك ماعىناسى. نازاربايەۆتان باستاپ بارلىق قازاق تەك ماقتانۋدى عانا بىلەدى. نازاربايەۆقا تۇككە تۇرعىسىز مەدالدەردى ۆاتيكان سىيلاپ جاتىر، نازاربايەۆ بولسا ءماز. ونداي مەدالدەردى قىزمەتىنەن كەتكەن ەلشىلەرگە تابىستاۋشى ەدى. سوندا دا نازاربايەۆ قۋانادى.  ءوزىن ماقتاۋ، تاكاپپارلانۋ قازاقتىڭ قانعا سىڭگەن ادەتى. قازاق وز-وزىنە اتاق-ابىروي تاعايىنداپ، مەدال بەرۋگە دايىن. كەي قازاقتار باستارىن قوسىپ الىپ، بىر-بىرىنە ماداقتاۋ ايتىپ، مەدال بەرەدى. جالپى، قازاقستان بۇل وتىرىك مەملەكەت. مۇندا ەشنارسە شىنايى ەمەس. يميتاسيا، قىسقاسى.  قازاقستاندا ءجون ءتۇزۋ جول بولماسا دا قازاق جولدارىمىز قانداي كۇشتى، ەلباسىمىز قانداي دانا دەپ ماقتانا بەرەدى. مىڭ جول تەسىك-تەسىك بولسا دا ەلباسى قاداعالاعان ءبىر جول ءتۇزۋ بولسا قازاققا جەتكىلىكتى. دوپينگ قابىلداپ، چەمپيون اتانعان سپورتشىلارىمىز دا ماقتانۋعا سەبەپ. ولاردىڭ وتىرىك چەمپيون ەكەندىكتەرىنە قازاقتار سەنبەيدى. بارىنە سىلتاۋ-سەبەپتەرى دايىن. ءبارىبىر ماقتانا بەرەدى. ماقتانۋعا سەبەپ تابۋ ءۇشىن قازاقتار ماتايەۆتى، شارىپبايەۆتى، ىدىرىسوۆتى تەمىر تورعا قاماۋعا دايىن.
مەن كۇن سايىن ءبىر قازاققا ءسوز ەركىندىگى مەن تاڭداۋ ەركىندىگى جايلى ءتۇسىندىرىپ ايتسام، بىرنارسە وزگەرە مە قاتە ويلاپپىن. جو-جوق، قازاق وندايعا دايىن ەمەس ەكەن.  ءسوز ەركىندىگى مەن تاڭداۋ ەركىندىگى جاۋاپكەرشىلىك دەگەندى تالاپ ەتەدى. قازاق ايتقان ءسوزى مەن ىستەگەن ءىس ءۇشىن جاۋاپ بەرگىسى كەلمەيدى.
كوررۋپسياعا قارسى بيۋرونىڭ قىزمەتكەرلەرىنىڭ ءوزى مەنىڭ الدىمدا ماتايەۆتى، احمەتوۆتى، ەرمەگيايەۆتى وتىرعىزعاندارى ءۇشىن ماقتانادى.
سەنىڭ ءعابدۋللينىڭدى دە قامايمىز دەيدى. ولار قاپشىق-قاپشىق اقشا ۇرلاپ جاتقان ۇرىلارمەن تەڭ ەمەستىگىن تۇسىنبەيدى.

نازاربايەۆتى ماقتاعاننان جالىقتىم. جاي عانا ەستىگىم كەلمەيدى. نازاربايەۆ ولسە دە قازاق وزدەرىنە ءبىر قاھارمان سايلاپ الادى دا سونىمەن ءومىر باقي ماقاتانادى. مەن بۇل سيركتە جۇمىس ىستەگىم دە، ءومىر سۇرگىم دە كەلمەيدى.
تەرگەۋ ءىسى ماعان ۋلتيماتۋم قويدى: نە مەن عابدۋللينمەن بىرگە وتىرامىن، نە وعان قارسى جاۋاپ بەرەمىن. عابدۋللين جايلى اركىم ءارتۇرلى ويلايدى. مەن بولسام وعان  مەنى «راديوتوچكاعا» شاقىرعانىنا ريزامىن. تەرگەۋشىلەر عابدۋللين جالى ءوز پىكىرىڭدى اشىق ايتا بەرمە دەپ تە ماعان نۇسقاۋ بەردى.  جۋرناليست اشىق پىكىر بىلدىرە الاتىنىنا، سوعان مىندەتتى ەكەندىگىنە ولاردىڭ تۇكىرگەندەرى بار. سول سەبەپتى دە «راديوتوچكا» ءعابدۋلليننىڭ ءىسى بويىنشا بەلسەندى جۇمىس جاسادى. سۇحبات بەرگەندەردىڭ بارلىعى ءوز بىلگەندەرىن، تۇيگەندەرىن عانا ايتتى. ول جەردە ەشقانداي ساياسي تاپسىرما بولعان جوق. بۇل دۇنيە تەرگەۋشىلەرگە ۇنامادى. ماعان قوڭىراۋ شالىپ، قوقان-لوقى كورسەتتى. ءوزىڭ دە اۋزىڭدى اشپا، قالعاندارىنا دا اشقىزبا دەپ كەڭەس بەردى. استاناداعى ەكىنشى تەرگەۋدەن كەيىن ءوزارا مەنى ءعابدۋلليننىڭ قاسىنا وتىرعىزامىز دەپ شەشىپ قويعاندارىن ءتۇسىندىم. سەبەپ – شىندىققا جاناسپايتىن وتىرىك اقپارات بەرگەنى ءۇشىن. ەندى ولار مەنەن عابدۋللينگە قارسى شىققانىمدى قالادى. سول كەزدە ايقىن تۇسىنگەنىم، تەرگەۋشىلەردە عابدۋللينگە قارسى ەشنارسە جوق. بۇكىل ايىپ، كىنا مەن سياقتىلاردىڭ «ايتقاندارىنا» نەگىزدەلەدى. مەندە قازاقستاننان كەتۋدەن باسقا جول بولمادى. استاناداعى دوستارىمنىڭ پوشتالارىن بۇزىپ، الەۋمەتتىك جەلىدەگى پاراقشالارىن توڭكەرە باستاعاندا قابىلداعان شەشىم دۇرىس ەكەندىگىن ءتۇسىندىم.
بيلەت  ساتىپ الدىم دا قازاقستاننان الىسقا ۇزاپ كەتتىم.  مەن تۇرمەگە بارۋدان قورقىپ كەتكەن جوقپىن. مەن جاي عانا بۇل لاس ويىنعا ارالاسقىم كەلمەيدى. «راديوتوچكاداعى» بارشا قىز-جىگىتكە ريزاشىلىعىمدى بىلدىرەمىن. اتا-اناممەن قوشتاسا الماعانىما ىزالىمىن.
قايدا، نەمەن شۇعىلداناتىنىم بەلگىسىز.

ءعابدۋلليندى بولاشاقتا بوساتۋى دا مۇمكىن شىعار. ءبىراق ەسەسىنە ولار نە سۇرايتىنى بەلگىسىز. جالپى، قازاق تىعىرىققا تىرەلدى. بۇل تىعىرىقتان شىعۋ ءۇشىن ماقتانشاقتىقتان ارىلۋى شارت. ول ءۇشىن قازاق قازاقتىقتان باس تارتقانى لازىم. وزگە مەملەكەتتە بۇل شەشىم تەز ءارى جەڭىل قابىلدانادى. شەتەلدە قازاق ەكەنىڭدى ۇمىتاسىڭ، دۇنيەگە باسقاشا كوزقاراسپەن قارايسىڭ. بيلەتكە اقشا تابىلادى-اۋ، شەشىم قابىلداۋ قيىن. كوررۋپسياعا قارسى بيۋروعا مەنى شەشىم قابىلداۋعا يتەرمەلەگەندەرىڭ ءۇشىن راقمەت ايتامىن!"

اۋدارعان: جازيرا بايدالى