شىمكەنتتە دايش-پەن بايلانىستا بولعاندار سوتتالدى دەپ حابارلايدى astanatv.kz. ولاردى ۇلتتىق قاۋىپسىزدىك كوميتەتىنىڭ ماماندارى ەل اۋماعىندا تەراكت جاساماق بولدى دەپ ايىپتاعان ەدى. بۇگىن سوت ءۇش ايىپتالۋشىعا جازا كەستى. جابىق ەسىك جاعدايىندا وتكەن ءىستىڭ بۇگە-شۇگەسى اشىلماي وتىر.

ۇلتتىق قاۋىپسىزدىك قىزمەتكەرلەرى قاراعاندى وبلىسىنىڭ ءۇش ازاماتىن ماۋسىم ايىندا قاماۋعا العان بولاتىن. ەكى ايعا سوزىلعان سوت پروسەسى اياقتالدى. ايىپتالۋشىلاردىڭ ەكەۋى سەگىز جانە توعىز جىلعا سوتتالسا، ولاردىڭ ءۇشىنشى سىبايلاسى 4 جىل 9 ايعا قامالدى.

نۇرسۇلۋ  جورايەۆا، وقو قىلمىستىق ىستەر جونىندەگى مامانداندىرىلعان اۋدانارالىق سوتىنىڭ  باس مامانى: «ج» جانە «ك» قازاقستان رەسپۋبليكاسىندا تيىم سالىنعان حالىقارالىق «دايش» تەرروريستىك ۇيىمىنىڭ قۇرامىنا كىرەتىن توپ مۇشەلەرىمەن تىعىز بايلانىستا بولىپ، وقو بويىنشا ۇقك-نىڭ قىزمەتكەرلەرىمەن ۇستالعان. سونىمەن بىرگە وسى ۇكىم بويىنشا ازامات تەرروريزيم تۋرالى ماتەريالداردى ءوز كومپيۋتەرىندە ساقتاپ، ونى ق ر اۋماعىندا ناسيحاتتاعاندىعى ءۇشىن كىنالى دەپ تانىلعان. ۇكىم ءالى كۇشىنە ەنگەن جوق. ايتا كەتەيىك، ۇيىمداسقانداردىڭ ەكەۋى شىمكەنتتە، ءۇشىنشىسى، ياعني باستى فيگۋرانت، قاراعاندىدا ۇستالىپ، وڭتۇستىككە جەتكىزىلگەن بولاتىن. 21، 22 جانە 31 جاستاعى جىگىتتەر ءتۇرلى قىلمىس جاساعانى ءۇشىن بۇرىن دا  سوتتى بولعانى انىقتالعان. دىنگە تۇرمەدە وتىرعاندا بەت بۇرعان. نەگىزگى تاپسىرىس بەرۋشىمەن دە تەمىر توردىڭ ارعى جاعىندا وتىرىپ تانىس بولعاندارىن سوت كەزىندە ايتقان.

ايزادا تورەبەك قىزى، ءتىلشى: ەسكە سالايىن، سوتتالعاندار قازاقستاندا تىيىم سالىنعان ەكسترەميستىك توپ مۇشەسىنىڭ نۇسقاۋىمەن شىمكەنتتىك بەلگىلى كاسىپكەردى نىساناعا العان. ءبىراق قاراقشىلىق جاساۋ جولىمەن دۇنيە-مۇلكىن جىمقىرۋ تۋرالى ارام پيعىلدارى جۇزەگە اسپاي قالعان. سوتتالعاندار ەكەۋى جازاسىن قاتاڭ رەجيمدەگى تۇزەۋ كولونياسىندا وتەيتىن بولادى.