مانشۇك مامەتوۆانىڭ حيكاياسى ءساتتى اياقتالدى دەپ حابارلايدى rikatv.kz. كوكتەمدە دارەتحانا شۇڭقىرىنان تابىلعان ءسابيدى اقتوبەلىك ەرلى-زايىپتى اسىراپ العان. "ءۇمىت" سابيلەر ۇيىندە مانشۇك مامەتوۆانىڭ قۇجاتتارى عانا قالدى. قىز بالا 12-مامىردا تۋىلىپ، 25-دە وسىندا اكەلىنگەن بولاتىن. تۋعان كەزدە ءوز اناسىنا كەرەك بولماي، دارەتحانانىڭ شۇڭقىرىنا تاستالعان، ءناجىستىڭ اراسىندا جاتىپ، ءومىر ءۇشىن كۇرەسكەن قايسار قىزدىڭ وقيعاسى قۋانىشپەن اياقتالدى. ءسابيدى قاراشانىڭ 14-دە اقتوبەلىك ەرلى-زايىپتى باۋىرىنا باسقان. مانشۇكتى اسىراپ العان وتباسى تۋرالى ەشتەڭە ايتىلمايدى. مالىمەت قۇپيا سانالادى. بەلگىلىسى، بۇل جانۇيانىڭ جاعدايى جاقسى. بالا الۋ كەزەگىندە ءتورت جىلداي تۇرعان. ال، مانشۇكتى العان سوڭ، ءاتى-جونىن وزگەرتكەن. مانشۇك كەتەردەن ەكى كۇن بۇرىن سابيلەر ۇيىنە تاعى ءبىر قىز اكەلىنگەن. زاينۋرا يسوكوۆانى مارتوكتەگى كەدەن بەكەتىندە كەدەنشىلەر تاپقان. اناسى وزبەكستان ەلىنىڭ ازاماتى. شارانانى "ماسكەۋ-تاشكەنت" پويىزىندا تۋىپ، ولدىگە ساناپ، پاكەتكە وراپ تاستاپ كەتكەن. كوكەك-انا كوپ ۇزاماي ۇستالدى. ءبىراق، ول ءوز بالاسىنان باس تارتتى. زاينۋرانىڭ دەنى ساۋ، سابيلەر ۇيىندە تاربيەلەنىپ جاتىر. جىل باسىنان بەرى "ۇمىتتەن" 6 بالا اسىراپ الىنعان. بىرەۋىن يسپانيا ازاماتتارى اكەتتى. التى ءبۇلدىرشىن قامقورلىققا بەرىلسە، ۇشەۋى پاتروناتتىق تاربيەگە الىندى. ءقازىر سابيلەر ۇيىندە 60 بوبەك بار.