ماسكەۋدە وتكەن پارلامەنتتىك جينالىسىندا وداقتىق ەلدەردىڭ قارجىلىق قورىنا داۋىس بەرۋ جوسپارلانعان. بەلورۋسيانىڭ ۇلتتىق جينالىسىنىڭ پالاتا ۋاكىلەتتىلىگىنىڭ ءتوراعاسى ۆلاديمير اندرەيچەنكو ەۋرازيالىق ەكونوميكالىق وداقتىڭ قاجەتتى دەڭگەيدە جۇمىس ىستەمەيتىنىن ايتتى دەپ حابارلايدى by24.org.

«ەۋرازيالىق ەكونوميكالىق وداق ءبىزدىڭ مۇددەمىزدى ويلامايدى. 2015 جىلى 1 قاڭتاردا ەەو قۇرىلعالى بەرى بىردە-بىر سالماقتى ەكونوميكالىق شەشىمدەر قابىلدانبادى. دارى-دارىمەك نارىعىنا قاتىستى قۇجاتتارعا قول قويىلدى. الايدا ونىڭ ءوزى ءبىر جىلعا كەشىكتى. وكىنىشكە وراي، ول تاجىربيە جۇزىندە ىسكە اسپادى دا. ەكونوميكالىق وداق تازا ساياسي جوباعا اينالعانداي اسەر قالدىرادى. قولىمىزدى جۇرەگىمىزگە قويىپ، وزىمىزدەن سۇرايىقشى، ءبىزدىڭ قارىم-قاتىناسىمىزدا بارلىعى دۇرىس پا؟ قازىرگى جۇمىس جاعدايى كوڭىلدەن شىعا ما؟ ءابسوليۋتتى تۇردە جوق!» دەدى ۆلاديمير اندرەيچەنكو.

سونىمەن قاتار ۆ.اندرەيچەنكو بەلورۋسسيا مەن رەسەيدىڭ قازىرگى ماسەلەلەرىنە دە توقتالدى.

«بەلگىلى بولعانداي ەەو قۇرۋ ءبىزدىڭ ەل ءۇشىن ءتيىمدى بولمادى. ونىڭ سەبەبى كوپتەگەن ەكى جاقتى ساۋداداعى قيىندىقتار. ەۋرازيالىق ەكونوميكالىق وداق اياسىندا بەلورۋسسيا مەن رەسەي اراسىندا گاز باعاسى بىردەي بولادى دەگەن شەشىم قابىلدانعان ەدى. الايدا ول قاعاز جۇزىندە قالىپ قويدى. ناتيجەسىندە بەلورۋسسيا ەكونوميكاسىنىڭ سوڭعى 10 جىلداعى سالماعى 15 ميلليارد دوللاردى قۇرادى».

سونىمەن قاتار ۆلاديمير اندرەيچەنكو رەسەيلىك ب ا ق بەلورۋسسيانى رەسەيدىڭ ارقاسىندا كۇن كورىپ وتىرعان ەل رەتىندە كورسەتىپ وتىرعانى ۇنامايتىنىن دا جەتكىزدى. بۇل جاعدايلار ينتەگراسيالىق ماسەلەلەرگە جاعىمسىز اسەر ەتىپ، ونىڭ جۇمىسىن تەجەيدى دەپ ەسەپتەيدى.

جاقىندا بەلورۋسستىك بيلىك «رەگنۋم»  اقپارات اگەنتتىگىنىڭ 3 رەسەيلىك اۆتورىن تەرگەۋ يزولياتورىنا جىبەرگەنىن ەستەرىڭىزگە سالامىز. ولار «بەلورۋسسيا رەسەيدىڭ ءبىر بولشەگى، ال ولاردىڭ تىلدەرى ورىستاردىڭ ديالەكتىسى» دەپ جازعان بولاتىن.

بەلورۋسسيا پرەزيدەنتى الەكساندر لۋكاشەنكو العاش رەت ەەو پەن ۇقكۇ وتىرىستارىنا قاتىسپادى.