كرەمل سىنشىسىلاگەردە جۇرگەن كەزىندە وزدەرىن قيناپ «پۋتين – ءبىزدىڭ ەلباسىمىز» دەپ ايتقىزعاندىعى جايلى مالىمدەدى.

ايەلى مەن ادۆوكاتى قۇپيا تۇردە تۇزەتۋ لاگەرىنەن الىپ شىققان 34 جاستاعى يلدار دادين وزدەرىن وسىلاي قيناپ ايتقىزعاندىعى جايلى ءوز حاتىندا جازىپ قالدىرعان دەپ حابارلايدى inopressa.ru، مالىمەتتىڭ قازاقشا نۇسقاسىن «قامشى»  پورتالى وقىرمان نازارىنا ۇسىنادى.
دادين تىيىم سالىنعان اكسيالارعا قاتىسىپ، ەكى جىل قاماۋعا الىنعان بولاتىن.

«دادين ءجاي عانا ءوز ويىن ەركىن ءبىلدىرۋ قۇقىعىن پايدالانعانى ءۇشىن ايىپتالىپ، مۇنىڭ ارتى فيزيكالىق زورلىق-زومبىلىق پەن ونى ولىممەن قورقىتۋعا دەيىن بارعان»، - دەپ مالىمدەدى يۋليا گوربۋنوۆا.

«قۇقىقتىق قىزمەت ورگاندارى داديننەن ايىپتى الىپ تاستاپ، ونى «تالانتتى» يمپەراتور دەپ اتادى»، - دەيدى بەننەتس. سونىمەن قاتار، اتالمىش كولونيادا بولعان زورلىق-زومبىلىقتاردى ايعاقتايتىن دالەلدەردى سوتقا تاپسىرماعان ەكەن.

الايداع كولونيادا جاتقان باسقا ادامدار ءداديننىڭ ارىزىنا كاۋلىك جاساعان. ءداديننىڭ ارىزدارىن ونىڭ ايەلى اناستاسيا زوتوۆا باسىپ شىعارعان.

«مەن يلداردى بوساتىپ الا الاتىن شىعارمىن، الايدا جوعارىدان بۇيرىق كەلمەي كولونيادا جاتقان باسقا ادامدارعا جاسالىناتىن زورلىق تولاستامايدى. رەسەيدە تەك كرەملدىڭ ادامدارى عانا شەشىم قابىلداي الادى»، - دەپ مالىمدەدى ءداديننىڭ جارى.

«حالىقتى تۇرمەدەگىلەردىڭ تاعدىرى تولعاندىرمايدى. قاماۋدا وتىرىپ زورلىق كورگەن باسقا ادامداردىڭ تۋىستارىن ىزدەستىرگەن كەزىمدە ماعان وزگە ادامداردان «دۇرىس ولاردى قيناۋ كەرەك، ولار – قىلمىسكەرلەر» دەگەن حاتتار ءجيى كەلىپ ءتۇستى»، - دەپ قوسا كەتتى اناستاسيا زوتوۆا.

اۋدارعان: نازەركە لابيحان