بەلورۋسسيا پرەزيدەنتى الەكساندر لۋكاشەنكونىڭ بالاسى نيكولاي سۇحبات بەردى. بەينە سۇحباتتى رەسەيلىك 11 جاسار وقۋشى ەۆگەنيي گريشين الدى. نيكولاي وعان پرەزيدەنتتىك رەزيدەنسيا جانىندا ءومىر سۇرەتىن جانۋارلاردى كورسەتتى. كوليانى سوڭعى سەگىز جىلدا پرەزيدەنتتىڭ جانىنان كوپ بايقايتىن بولدىق. الايدا بۇل نيكولايدىڭ العاشقى سۇحباتى.

11 جاسار جۋرناليست نيكولايدىڭ كەلەشەكتە اكەسىنىڭ مۇراگەرى بولۋ تۋرالى ويىن سۇرادى.

«كوپ ادامدار بۇل جونىندە مەنەن سۇرايدى. الايدا پرەزيدەنت بولعىم كەلمەۋشى ەدى. سەبەبى ءومىرىڭ اۋىر بولادى. مۇمكىن دارىگەر بولارمىن ادامدارعا كومەكتەسەتىن. بۇل جاقسى عوي. مۇمكىن اسكەري سالانى تاڭدايمىن. ويلانۋعا ءالى ۋاقىت بار».

نيكولاي جاس جۋرناليستكە وتباسىنىڭ شارۋاشىلىعىن دا كورسەتتى: 10 ەشكى، 7 سيىر، ءتۇرلى تۇقىمدى 47 قويان، ساندىك تاۋىقتار، قازدار، تاۋىس، 3 تۇيەقۇس، جىلقىلار، پوني ت.ب جانۋارلار بار ەكەن.

بالالار نيكولايدىڭ مەكتەبىنە باردى. ونىڭ سۇيىكتى ءپانى گەوگرافيا ەكەن. نيكولاي ءبىرىنشى سىنىپتان باستاپ كسەنيا دەگەن سىنىپتاسىمەن ءۇشىنشى پارتادا وتىراتىنىن ايتتى.

پرەزيدەنتتىڭ بالاسى تەاتر سىنىبىن دا كورسەتتى. كوليا وندا جۇلدىزدىشىنى، اياز اتانىڭ كومەكشىسىن، كايدى ويناعان ەكەن. وسى جاڭا جىلدا ول ول «ماداگاسكار» مۋلتفيلمىندەگى ارىستان بولىپ كيىنەدى.

ودان كەيىن نيكولاي ەۆگەنييدى شاڭعى تەۋىپ، حوككەي ويناۋدى ۇيرەتتى. ءوزى شاڭعى تەبۋدى ءۇش جاسىنان باستاپ ۇيرەنگەن ەكەن. سيۋجەتتە بالالارعا الەكساندر لۋكاشەنكو كەلەدى. ول حوككەيستەر قالاي بوي جازاتىنىن كورسەتتى.

«ناعىز حوككەيست ەڭ از دەگەندە مىڭ رەت قۇلايدى» دەپ جاس جۋرناليست قۇلاپ قالعاندا دەمەپ جىبەردى.

رەسەيلىك ءجۋرناليستى رەسپۋبليكا سارايىندا وتەتىن جاڭا جىلدىق قويىلىمعا شاقىردى. مەيرەيتويدان كەيىن الەكساندار مەن نيكولاي لۋكاشەنكولار وعان بەينەكامەرانى سىيعا تارتتى. وعان دەيىن جاس جۋرناليست سۇحباتتى تەلەفوننىڭ كامەراسىنا تۇسىرگەن.

نيكولاي ساياحاتتاعان ەلدەرى تۋرالى دا ايتىپ بەردى. وعان بارىنەن اقش پەن ەكۆادور ۇناپتى.

«بۇل مەملەكەتتە ءبىر اياعىڭمەن جەردىڭ ءبىر بولىگىندە تۇرساڭ، ەكىنشىسىمەن كەلەسى بولىگىندە تۇرۋعا بولادى» دەپ ەكۆادور تۋرالى ايتىپ بەردى.

پرەزيدەنتتىڭ كىشى ۇلى رويالدا اپتاسىنا ءتورت رەت وينايدى.

«سەن كونسەرتكە شىعاسىڭ با؟ سەنىڭ تىڭدارمانىڭ كىم؟» دەپ سۇرادى نيكولاي.

«اكەم كونسەرتكە وتە سيرەك كەلەدى. مەن كوبىنە وعان ۇيدە ويناپ بەرەمىن» دەپ جاۋاپ بەردى نيكولاي.