اقش-تا سايلانعان پرەزيدەنت دونالد ترامپتىڭ ۇلىقتاۋ راسىمىندە وتەتىن شاراعا جاۋاپتى ارنايى قىزمەتى مەن پوليسياسى باسسىزدىقتار ورىن الۋ قاۋپىنە الاڭداۋشىلىق ءبىلدىرىپ وتىر. بۇل تۋرالى ريا نوۆوستي New York Times گازەتىنە سىلتەمە جاساپ حابارلايدى.

باسپا ءسوز حابارلاعانداي، «سايلاۋدان كەيىن ءالى دە باسىلماعان داۋ، بىتىراڭقى توپقا بولىنگەن امەريكالىقتاردىڭ قاقتىعىسۋى ورىن الۋى مۇمكىن» دەپ توپشالاعان ۇيىمداستىرۋشىلار الاڭداۋشىلىق ءبىلدىرىپ وتىر.

گازەتتىڭ مالىمەتىنشە، ۇلىقتاۋ كۇنى قاۋىپسىزدىكتى قامتاماسىز ەتۋ ءۇشىن 30 قىزمەت ورنى جۇمىلدىرىلعان. پرەزيدەنتتىڭ قاۋىپسىزدىگى 100 ميلليون دوللاردى قۇرايدى دەپ كۇتىلىپ وتىر.

بيلىك وكىلدەرىنىڭ سوزىنشە، ترامپتى جاقتاۋشىلار مەن داتتاۋشىلاردىڭ قاقتىعىسىن تۋدىرماۋعا باسىمدىلىق بەرىلگەنىمەن، جەرگىلىكتى جانە شەتەل ەكسترەميستەرىنەن تۋاتىن ءقاۋىپتىڭ دە الدىن الۋ دا «باستى شارۋا» بولماق.

ترامپتىڭ ۇلىقتاۋ ءراسىمى 20 قاڭتار كۇنى ۆاشينگتوندا اقش كونگرەسى ورنالاسقان كاپيتوليي عيماراتىنىڭ ماڭىندا وتەدى. گازەتتىڭ سوزىنە سەنسەك،  راسىمگە ءۇش ميلليونعا  دەيىن ادام قاتىسادى.