الماتى پروكۋراتۋراسى «ۆكونتاكتە» الەۋمەتتىك جەلىسىندەگى «كۋريسى الماتى» توبىن جابۋدى جانە زاڭسىز دەپ تابۋدى تالاپ ەتتى. قىزى جاريالانعان بۇل توپتىڭ قىزمەتىنە اكەسى شاعىم ءتۇسىردى، دەپ حابارلايدى Tengrinews.kz.

پروكۋراتۋرادا الەۋمەتتىك جەلىلەردە قىزداردىڭ بەدەلىنە نۇقسان كەلتىرەتىن مالىمەتتەرمەن ءبولىسىپ، جالا جاباتىنىن العا تارتتى.

«Vk.com ينتەرنەت-رەسۋرسىندا ادامداردىڭ رۇقساتىنسىز سۋرەتتەرىن جۇكتەپ، جەكە باستىڭ ارىنا تيەتىن سوزدەردى جازىپ، جاعىمسىز كەيىپتە سيپاتتايدى جانە سونداي-اق، جالعان مالىمەت بەرەدى»، – دەپ حابارلايدى مەكەمە.

مەكەمەدە انىقتاعانداي، جەلىدە 300 قىزدىڭ سۋرەتتەرى جۇكتەلگەن. سونداي-اق، بۇل توپقا 5 مىڭنان اسا ەر كىسىلەر تىركەلىپ، سۋرەتتەردى قىزۋ تالقىلاعان.

قاداعالاۋشى ورگانداردىڭ تاپسىرماسىمەن قازاقستان ايماعىندا اتالمىش ماتەريالدارعا توسقاۋىل قويىلدى.

بۇعان دەيىن دە ۆكونتاكتىدەگى «كۋريسى اكتوبە» دەگەن توپتا سۋرەتى جۇكتەلگەن اقتوبەلىك 17 جاسار قىز وز-وزىنە قول جۇمساعان بولاتىن. وز-وزىنە قول جۇمساعان قىزدىڭ ولىمىنە اعاسى ءدال وسى توپتى كىنالاپ وتىر. پاۆلودارلىق بلوگگەر، ءارتۇرلى توپتاردىڭ بەلسەندى قاتىسۋشىسى انتون تىششەنكونىڭ ايتۋىنشا،مۇنداي توپتاردىڭ نەگىزگى اۋديتورياسى ءبىر-بىرىن عايباتتايتىن 14 پەن 20 جاس ارالىعىنداعى جاس جەتكىنشەكتەر.