ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ «2017 جىلدان باستاپ جول پوليسياسى كولىك توقتاتۋ ءۇشىن تاياقشا قولدانبايدى» دەپ مالىمدەگەن ەدى.
قازىرگى ۋاقىتتا، ءبىرقاتار ەۋروپالىق ەلدە جول پوليسياسى كولىكتى توقتاتاردا ارنايى تاياقشا (جەزل) قولدانبايدى. حالىقارالىق ستاندارتتارعا سايكەس، 2017 جىلدىڭ 1 قاڭتارىنان باستاپ قازاقستاننىڭ ىشكى ىستەر ورگاندارىنىڭ قىزمەتكەرلەرى دە كولىكتەردى توقتاتۋ ءۇشىن ارنايى تاياقشا قولدانبايتىن بولادى، دەپ حابارلادى ق ر ءىىم.
«ەندى جول پوليسەيلەرى كولىكتى توقتاتۋ ءۇشىن قولىن كوتەرىپ، «توقتا» دەگەن بەلگى بەرەدى جانە سونىمەن بىرگە ىسقىرىقتى دا پايدالانادى نەمەسە ارنايى دىبىس كۇشەيتكىش جانە جارىق بەرەتىن قۇرالداردى دا قولدانا الادى، سونداي-اق اۆتوپاترۋلمەن دە توقتاتادى. جول ەرەجەسىن بۇزعانداردى انىقتاۋ ءۇشىن بەينەكامەرالار، سونىمەن بىرگە ىشكى ىستەر ورگاندارىنىڭ بەينە تىركەۋىشتەرى قولدانىلادى»، - دەدى ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.
الەۋمەتتىك جەلىدە تاياقسىز قالعان جولپولدىڭ جول ەرەجەسىن بۇزعان كولىكتى توقتاتا الماي جۇرگەنى تۋرالى ءازىل ۆيدەو پايدا بولدى.
