سيريا پرەزيدەنتى: «ەگەر ەۋروپالىق ەلدەر سيريا حالقىنا كومەك كورسەتكىسى كەلسە الدىمەن لاڭكەستەردى قولداۋدى دوعارسىن» دەدى. بۇل تۋرالدى Parstoday حابارلادى.

سيريا پرەزيدەنتى باشار اساد داماسكتە ەۋروپا پارلامەنتى مەن رەسەي دۋماسى وكىلدەرىنىڭ بىرلەسكەن دەلەگاسياسىن قابىلداۋدا: «ەۋروپالىق باسشىلار سيريا داعدارىسىنىڭ ەل حالقىنىڭ قولىمەن شەشىلەتىندىگىن ءتۇسىنىپ، ءوز ەلدەرىندەگى لاڭكەستىك شابۋىلداردىڭ ولاردىڭ قاتە ساياساتىنىڭ سالدارلارى ەكەنىن مويىنداۋى كەرەك. ەۋروپالىق ەلدەر سيريالىقتاردىڭ تۇرمىسىنىڭ نەگىزگى قاجەتتىلىكتەرىن نىساناعا الىپ وتىرعان زۇلىم سانكسيالاردى توقتاتۋى ءتيىس» دەدى.

ايتا كەتەر بولساق، ول وسىدان 15 كۇن بۇرىن دا وسىعان ۇقساس مالىمدەمە جاساعان بولاتىن.

سيريا پرەزيدەنتى باتىس ەلدەرىنىڭ سيرياداعى لاڭكەستىك توپتاردى قولداپ وتىرعانىن سىناپ: «باتىس ەلدەرى سيريادا لاڭكەستەردى ساقتاپ قالۋدى كوزدەپ وتىر»،- دەدى.

سيريا پرەزيدەنتى باشار اساد 14 جەلتوقسان كۇنى «Russia Today» تەلەارناسىنا بەرگەن سۇحباتىندا: «باتىس ەلدەرى «سيريا ارمياسى مەن ونىڭ وداقتاستارى لاڭكەستەردى جەڭۋدە شەكتەن تىس ىلگەرىلەدى» دەپ سانايدى، سوندىقتان بار كۇشتەرىن سالىپ لاڭكەستەردى سيريادا ساقتاپ قالىپ، قۇتقارۋدى كوزدەپ وتىر. باتىس ەلدەرى الەپپوداعى جەڭىستى السىرەتىپ، سولعىنداتۋ ماقساتىندا سيريا ارمياسىنىڭ نازارىن پالميراعا بۇرىپ، ولاردىڭ ىلگەرىلەۋىنىڭ الدىن العىسى كەلدى. الايدا ولاردىڭ بۇل ءىسى ناتيجە بەرمەي، الەپپو ازات ەتىلدى»،- دەدى.