بۇۇ باس حاتشىلىعى قىزمەتىندە 10 جىل ەڭبەك ەتكەن پان گي مۋن نيۋ-يوركتەگى شتاب پاتەردە قىزمەتكەرلەرمەن قوشتاسىپ، بۇۇ-دەن كەتتى. بۇل تۋرالى BBC جازدى.

پان، كەتەر الدىنداعى مالىمدەمەسىندە بۇۇ باس حاتشىسى بولىپ قىزمەت ىستەگەنىن ماقتانىش ەتەتىنىن مالىمدەدى. باس حاتشى پان وزىمەن قوشتاسۋعا جينالعان قىزمەتكەرلەرمەن كورىسكەننەن كەيىن بۇۇ-دان كەتتى. ول سونداي-اق، تايمس-سكۆەرىندە جاڭا جىلدىق قۇتتىقتاۋلارعا قاتىسادى.

ول قالىپتاسقان ءداستۇر بويىنشا، نيۋ-يوركتە جاڭا جىلدى مەرەكەلەۋدىڭ سيمۆولىنا اينالعان  كريستال شاردى قۇلاتاتىن تۇيمەنى باسادى. ايتا كەتەر بولساق، كريستالل شاردى قۇلاتۋ سالتاناتى بيىل 100ء-ىنشى رەت جاسالادى.

بۇۇ-نىڭ 9-ىنشى باس حاتشىسى بولىپ سايلانعان پورتۋگاليالىق انتونيو گۋتەرەس ەرتەڭ، 1 قاڭتاردان باستاپ رەسمي تۇردە قىزمەتىنە كىرىسەدى.

ايتا كەتەر بولساق، پان گي مۋن 2007 جىلدىڭ 1 قاڭتارىنان باستاپ بۇۇ باس حاتشىلىعى قىزمەتىن اتقاردى. ول، 1970 جىلى سەۋل ۋنيۆەرسيتەتىنىڭ حالىقارالىق قاتىناستار ءبولىمىن تامامداعان. 2004-2006 جىلدار وڭتۇستىك كورەيانىڭ سىرتقى ىستەر ءمينيسترى قىزمەتىن اتقاردى.