قازاقستاندا بۇگىنگە دەيىن جەكەشەلەنبەگەن نە قالدى ءوزى؟
جەر دە، زاۋىت-فابريكالار دا، شارۋاشىلىقتار دا، جەر استى، جەر ءۇستى قازبا بايلىقتارى دا؟ مۇناي دا، گاز دا، التىن دا، كۇمىس تە، ۋران دا، باسقا دا تولىپ جاتقان ءتۇستى مەتالدار دا، تۇگەلگە جۋىق جوعارى وقۋ ورىندارى مەن عىلىم اكادەمياسى، جازۋشىلار وداعى سياقتى ءارتۇرلى وداقتار دا، بۇكىل مەملەكەت جشس-عا اينالىپ، جەكەشەلەنىپ كەتكەن بە؟
ەندى پرەزيدەنت، ۇكىمەت، پارلامەنت، بارلىق دەڭگەيدەگى مينيسترلەر مەن اكىمدەر، سوتتار جۇيەسى دە جەكەمەنشىككە اينالىپ كەتكەن جوق پا ءوزى؟
بۇلاي ويلاماسقا شارا قالماي تۇر.
تاياۋدا بارلىق مەملەكەتتىك ب ا ق، اسىرەسە، بۇرىن مەملەكەت قاراۋىندا كەلگەن قازاق راديوسى، شالقار راديوسى، استانا مەن ماكسيما راديولارى جشس-عا ءوتىپ كەتىپتى. ەندى بۇلاردا قىزمەت ىستەپ كەلگەن قىزمەتكەرلەردىڭ بارلىعى دەرلىك ءۇش ايدىڭ ىشىندە قىسقارتىلۋعا جاتادى ەكەن.
ارينە، انا توو نەمەسە ج ش س، مەنشىك يەسىنە ارتىق اقشانى شاشۋدىڭ قاجەتى جوق. تۇسكەن پايدانىڭ بارلىعىن سول ج ش س يەسى كورمەك پە؟
ال، سول جشس-نىڭ ارتىندا كورىنبەي تۇرعان كىم ەكەن؟
بۇنى ءبىلۋ قيىن بولىپ تۇر. مۇمكىن، انا شودييەۆ، ماشكيەۆيچ، كيم سياقتى مليياردەرلەر مە نەمەسە شىعىستاعى الىپ كورشىمىز جەكەشەلەندىرىپ الدى ما؟ جوق، قارا ورمانداي قالىڭ ورىس پا، يەلەنىپ العان؟ بۇنى ءقازىر بىزگە ەشكىم دە ايتپايدى.
بۇقارالىق اقپارات قۇرالدارىنىڭ، بايلانىس قۇرالدارىنىڭ، جولدىڭ، جەردىڭ جەكەلەنۋى – تۇتاستاي ءبىر مەملەكەتتىڭ جەكەلەنۋى دەپ ۇعۋىمىز كەرەك...
سوندا مىنا بيلىك - بارلىعىن جەكەشەلەندىرىپ، ياعني، جاتقا ساتىپ جىبەرىپ، وزدەرى قايدا بارىپ، باس ساۋعالاماق ەكەن؟
تۇسىنىكسىز...
جۇماش كەنەباي
