كانادانىڭ پوليسەيى كالگاري قالاسىنىڭ اۋەجايىنان ۇشۋعا بىرەر مينۋت قالعان كەزدە ۇشقىش كابيناسىندا ەسىنەن تانىپ قالعان ماس ۇشقىشتى تۇتقىنعا الدى.
Sunwing اۆياكومپانياسىنىڭ ەكيپاج مۇشەلەرى 37 جاستاعى ۇشقىشتىڭ ءبىرتۇرلى ارەكەتىن بايقاپ قالىپ، قۇقىق قورعاۋ ورگاندارىنا جەتكىزگەن.
پوليسيا ۇشقىش قانىنداعى الكوگول قۇرامى نورمادان ءۇش ەسەگە اسىپ كەتكەن دەپ حابارلاپ وتىر.
ۇشاق ازداعان كىدىرىستەن كەيىن مەكسيكالىق كانكۋن قالاسىنا باسقا ۇشقىشپەن ۇشۋعا تۋرا كەلگەن. لاينەر بورتىندا 99 جولاۋشى پەن ەكيپاج مۇشەلەرى بولعان.
اۆياكومپانيا وكىلدەرى ۇشاق ەكيپاجىنا ىڭعايسىزدىق تۋعىزعان جايتتە دۇرىس جاساعانىنا العىس ءبىلدىردى جانە ۇشقىشتىڭ ارەكەتى ءۇشىن كەشىرىم سۇرادى.
سوت پروسەسى باستالمايىنشا ۇشقىشتىڭ ەسىمى اتالمايدى.
