يۋتۋبتا مما كۇرەسشىسىنىڭ وزىنە جاسالعان شابۋىلدان كەيىنگى ۆيدەوسى پايدا بولدى.

راسۋل ميرزايەۆتى 2017 جىلدىڭ 1 قاڭتارىندا شىنجىرمەن قىلقىندىرىپ ولتىرمەكشى بولعان.

الدىندا حابارلاعانىمىزداي، ءۇش بەلگىسىز ادام ميرزايەۆتى ءوز پاتەرىندە ۇرىپ-سوعىپ، تراۆماتيكالىق قارۋمەن جارالاعان بولاتىن. باسپا ءسوز مالىمەتىنشە، ۆوستوچنايا كوشەسىندە ماسكەۋ ۋاقىتى بويىنشا ساعات 02:00 بەلگىسىز ءۇش ادام ميرزايەۆقا جابىلىپ، ساقامەن ۇرىپ، سپورتشىنى تراۆماتيكالىق قارۋمەن جارالاپ، وقيعا ورنىنان قاشىپ كەتكەن. ال، قاسكۇنەمدەردى پاتەرىنە كىرگىزگەن زارداپ شەككەننىڭ تانىسى. شابۋىلدان سوڭ، بىردەن راسۋل جاقىن دوسىنا حابارلاسادى. ول پاتەرىنە كەلىپ، پوليسيا مەن جەدەل جاردەم شاقىرعان.

دەرەككوزدەرگە سۇيەنسەك، قىلمىسكەرلەر سپورتشىنى شىنجىرمەن بۋىندىرماقشى بولعان، الايدا ميرزايەۆ ولارعا تويتارىس بەرگەن.
– قىلمىسكەرلەر قاشىپ بارا جاتىپ، پاتەردە قارۋلارىن جانە شىنجىردى قالدىرىپ كەتكەن. ولار سونىمەن قوسا، اقشا جىمقىرىپ كەتىپتى، ءبىراق قانشا اقشا العانىن راسۋل ءالى بىلمەيدى. ولار باعالى زاتتاردى دا الىپ كەتۋى دە ابدەن مۇمكىن، – دەپ ايتىپ بەردى دوسى جۋرناليستەرگە.

اۋرۋحانادا ميرزايەۆتىڭ دەنەسىنەن ەكى وقتى شىعارىپ الدى، ونىڭ بىرەۋى جۇرەگىنە تيۋگە ءسال قالعان ەكەن.

سپورتشىنىڭ تۋىستارى «كەك قايتارۋ ماقساتىنجا جاسالعان» دەپ جەلىدە تالقىلانىپ جاتقان بولجامداردى جوققا شىعارىپ وتىر.

تەرگەۋ جۇمىستارى پودەزدە ورناتىلعان ۆيدەوباقىلاۋدىڭ وبەكتيۆىنە ءتۇسىپ قالعان قىلمىسكەرلەردىڭ ءتۇرىن انىقتادى.

كادردا قاسكۇنەمدەر سپورتشى تۇراتىن ءۇيدىڭ پودەزىنىڭ الدىندا كۇتىپ تۇرعانى كورسەتىلگەن.

،