26 جاستاعى ماگومەدحابيب گادجييەۆ تابىسىنىڭ ءبىر بولىگىن ەمدەلۋشىلەردى تەگىن قابىلداۋ ءۇشىن جۇمسايدى.

جۇما كۇنى ءوزىنىڭ تولىق جۇمىس كۇنىن مەديك قايىرىمدى ىسكە ارنايدى. ءتىس دارىگەرلەرىنىڭ قىمبات قىزمەتتەرىنە جۇگىنە المايتىن ادامدار تىستەرىن ماگومەدحابيبكە تەگىن ەمدەتىپ السا بولادى.

سونداي پاسيەنتتەردىڭ ءبىرى 29 جاستاعى مارياتت حابيبۋلايەۆا.

ونىڭ 3 جاسىندا اناسى قايتىس بولعان. اكەسى باسقا ايەلگە ۇيلەنىپ، اعاسى ەكەۋىن بالالار ۇيىنە وتكىزەدى. ول سول جەردە وسەدى. ءقازىر مارياتت جالعىز ءوزى قىزىن باعىپ وتىر، كولىك جۋۋ ورىندارىندا قىزمەت ىستەيدى، تىگىن كۋرستارىنا بارىپ ءجۇر. پاتەردى جالداپ تۇرادى. ال تاپقان تابىسى ەڭ قاجەتتىلەرگە عانا جەتەدى. ماگومەدحابيبتىڭ ارقاسىندا ول ءتىس دارىگەرىنىڭ كرەسلوسىنا بىرىنشە رەت تاپ بولىپ وتىر.

"ءتىپت، مەملەكەتتىك كلينيكالاردا تەگىن قابىلداي بەرمەيدى. ادامداردى دا ويلاۋ كەرەك قوي. ەگەر مەنىڭ قايىرىمدى ءىس جاساۋعا مۇمكىندىگىم بولسا، نەگە جاساماسقا؟" – دەيدى ماگومەدحابيب.

جۇما كۇنى دارىگەر ورتا ەسەپپەن 3-5 پاسيەنتتى قابىلداپ ۇلگەرەدى. كەتەتىن شىعىندى دارىگەر اپتا بويى تاپقان تابىسىنىڭ جارتىسىن بەرىپ، وتەپ وتىرادى. دارىگەردىڭ سوزىنشە، وعان كومەكتەسكىسى كەلەتىندەر بار. ءبىراق، ازىرگە ول ۇلگەرىپ جاتىر.