بريتانيادا ءتىس دارىگەرلەرى جۇمىس ورنىنا اكەلىنگەن تورت، پىراندىك، كەكس نەمەسە بيسكۆيت سياقتى قانتتى جانە ماي قۇرامى جوعارى ازىقتاردى جەۋدىڭ دەنساۋلىققا ءقاۋپى جوعارى ەكەنىن ەسكەرتتى. بۇل تۋرالى BBC جازدى.

انگليانىڭ كورولدىك حيرۋرگتەر كوللەدجى ءتىس دارىگەرلىگى فاكۋلتەتى، جۇمىس ورنىندا «ءتاتتى جەۋ مادەنيەتىنىڭ» سەمىزدىككە اپارىپ سوعاتىنىن جانە اۋىز قۋىسىنا اۋىر زاقىم كەلتىرەتىنىن ايتتى.

فاكۋلتەت دەكانى، پروفەسسور نايدجەل حانت باسقارۋشىلاردىڭ جۇمىسشىلارىن تاتتىمەن ىنتالاندىرماسى مەن جۇمىسشىلاردىڭ ءتۇرلى قۇتتىقتاۋىندا ءتاتتىنىڭ كوپ تۇتىنىلۋى ءقاۋىپتى ەكەنىن باياندادى. سونداي-اق قىزمەتكەرلەردى «قانتتى ونىمدەرمەن سوعىسۋعا» شاقىردى.

دوكتورلار «قانت پەن شەكەرسىز جاساي المايتىندار» ءۇشىن تومەندەگىدەي ۇسىنىستارىن دا ايتتى.

قانت قۇرامى از ونىمدەرگە قاراي ويىسىڭىز؛

كۇندەلىكتى جەۋ ۇلەستەرىڭىزدى ازايتىڭىز؛

ءجونسىز، اس مەزگىلىسىز اۋىزعا تىعا بەرۋدى ازايتىڭىز، تۇسكى استا تويىپ تاماقتانىڭىز؛

قانتتى ونىمدەردى ازايتۋعا جوسپار قۇرىڭىز؛