جۇڭگو اكۆاپاركتەرىنىڭ بىرىندە سۇمدىق وقيعا ورىن الدى دەپ حابارلايدى life.ru. سايتىنىڭ ءجۋرناليسى سەرگەي استاشيەۆ. كىشكەنتاي بالا اناسىمەن بىرگە دەمالۋعا باسسەينگە بارعان. اناسىنىڭ جانىندا بولعان بالا جۇزە الماي سۋعا باتىپ كەتەدى. ۇيالىسىنان sms حابارلاما جازىپ جاتقان ايەل بالاسىنىڭ كومەك سۇراپ شارق ۇرىپ جاتقانىن بايقاماي قالادى. حابارلاما جازىپ بولعاننان سوڭ ول ۇيالىدان كوز الماستان بالاسىن باسقا جاقتان ىزدەي باستايدى. 4 جاسار بالانىڭ ولىممەن ارپالىسى، اناسىنىڭ بەيقامسىزدىعى ۆيدەوباقىلاۋ كامەراسىنا جازىلىپ قالعان. ءبىر وكىنىشتىسى، كىشكەنتاي بالانىڭ ۇستىندە سۋعا باتۋدان قورعايتىن جيلەت تە بولماعان. بالالاردىڭ قاۋىپسىزدىگىن قاداعالايتىن اكۆاپارك قۇتقارۋشىسى دا سول كەزدە ءوز ورنىنان تابىلماعان.
اتالمىش ۆيدەو ادامنىڭ جۇرەگىن اۋىرتىپ قانا قويماي وكىنىشتىڭ وزەگىن ورتەيدى. ۇيالىعا ءجىپسىز بايلانعان مىنا زاماندا كوپتەگەن قايعى-قاسىرەت تە وسى تەحنيكادان بولىپ جاتىر. سمارتفون قانشاما بالانىڭ ولىمىنە سەبەپشى بولدى. ۇيالى تەلەفون جارىلىپ جاتىر. ۇيالى تەلەفونعا تەلمىرگەن اتا-انا بالا تاربيەسىنە كوڭىل بولمەي كەتتى.
پىكىر قالدىرۋ