«مەن ۇلى بريتانياعا وقۋعا كەتىپ بارا جاتقانىمدا انام ماعان: «كىممەن دوس بولساڭ دا، ەڭ باستىسى ۇندىستەر مەن نەگرلەردەن اۋلاق ءجۇر. الايدا قازاق جىگىتىنە تۇرمىسقا شىعاتىن بول» دەپ قاتاڭ ەسكەرتكەن ەدى. ول كەزدە انامنىڭ بۇل سوزدەرىنە اسا ءمان بەرمەگەن ەدىم، كەيىننەن بارىپ ءتۇسىندىم. تۋىستارىم ءۇشىن قارا ءناسىلدى كۇيەۋبالادان ۇرىپ-سوعاتىن كۇيەۋ جاقسى.»

اڭگامە ratel.kz پورتالىندا جاريالانعان قارا ءناسىلدى ەركەككە تۇرمىسقا شىققان قىز جايىندا. مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

شىمكەنتتىڭ نازىك قىز – جانار ۇلكەندەردى قۇرمەت تۇتىپ،  قازاقى مەنتاليتەتتى ۇستاناتىن قاتاڭ وتباسىدا تاربيەلەنگەن.  28 جاسىندا وڭتۇستىكتىڭ سالتى بويىنشا قازاق جىگىتىنە تۇرمىسقا شىعادى. الايدا، قۇرعان شاڭىراعى بەرەكەسىز بولعان. كۇيەۋى جۇمىسىنان ايىرىلىپ قالعاننان سوڭ بار اشۋىن ايەلىنەن الاتىن بولعان. ونى بالاعاتتاپ، نامىسىنا ءتيىپ، كەيىننەن ۇرىپ-سوعاتىندى دا شىعارىپتى. تۋىستارى، اتا-اناسى قىزعا سابىر قىلۋىن ءوتىنىپ، «ءبىراز ۋاقىت شىدامدى بول، ءقازىر داعدارىس ۋاقىتى، جۇمىس تاۋىپ العاننان سوڭ بارلىعى دا وڭالىپ كەتەدى» دەپ، باسۋ ايتقان. الايدا، ەرى قىزعا قول كوتەرۋىن توقتاتپاعاننان سوڭ، جانار وزىنە تيەسىلى  مۇلكىن الىپ، اجىراسۋعا بەل بۋعان.

ازاپتى كۇندەرىن ۇمىتقىسى كەلىپ، امەريكاعا وقۋعا كەتەدى. ۆاشينگتوندا ءجۇرىپ، ستۋدەنتتىك كەشتەردىڭ بىرىندە جانار ديەۆيد اتتى امەريكاندىق جىگىتپەن تانىسادى. ەكەۋى دە ءبىرىن-بىرى ۇناتىپ، جاقىن ارالاسا باستايدى.

«ديەۆيد ەكەۋمىزدىڭ بىرگە تۇسكەن سۋرەتىمىز بايقاۋسىزدا ينتەرنەتكە سالىنىپ كەتتى. تۋىستارىم ونى كورىپ، مەنى دەرەۋ ەلگە قايتۋىمدى سۇرايدى. الايدا مەن ديەۆيدتىڭ كومەگىمەن كۇيەۋىمدى، ونىڭ ماعان جاساعان ىس-ارەكەتتەرىن ۇمىتقىم كەلگەن»، - دەيدى جانار. وسى جاعدايدان كەيىن بارىنشا ساق بولىپ، سۋرەتتەرىنىڭ ينتەرنەتكە جۇكتەلمەۋىن قاداعالايدى. جارتى جىل وتكەننەن سوڭ ديەۆيد ۇيلەنۋگە ۇسىنىس جاساپ، ەكەۋى شاڭىراق كوتەرەدى.

ۇيلەنگەندەرى جايلى ەشكىمگە ءتىسجارىپ ايتپاي، وقۋىن اياقتاعاننان سوڭ ءوزىن جاقسى ءبىر جۇمىسقا شاقىرىپ جاتىر دەپ وتىرىك ايتىپ امەريكادا قالىپ قالعان. ەكى جىل وتكەننەن سوڭ تۇڭعىشىن بوسانادى. الايدا، شىمكەنتتەگى تۋىستارى مەن اتا-اناسىنان ءوز ءومىرىن جاسىرىن ۇستايدى. «ەگەر اكەم ءبىلىپ قويسا، مەنى ءوز ومىرىنەن ءوشىرىپ تاساتايدى دەپ قورقامىن. كەيدە بارلىق شىندىقتى ايتىپ بەرگەنىم دە دۇرىس شىعار دەپ ويلايمىن دا، ءبىراق ولار ءۇشىن قارا ءناسىلدى كۇيەۋبالاعا قاراعاندا ۇرىپ-سوعاتىن قازاق كۇيەۋ جاقسى عوي دەپ توقتايمىن»، - دەپ، ءوزىن ەكى وتتىڭ اراسىندا قالعانداي سەزىنەدى.

دەگەنمەن، ايەل - وتباسىنىڭ ۇيىتقىسى. كۇيۋەىنىڭ قول كوتەرۋى دە، كوتەرمەۋى دە ايەلدىڭ وزىنە بايلانىستى. "قىزى بۇزىلعان حالىقتىڭ ءوزى دە بۇزىلادى" دەيدى. سول سەبەپتى قازاقىلىعىمىزدى ساقتاپ، قانىمىزدىڭ تازالىعىن بۇزباۋ كەرەك. بۇل - تەكتىلىگىمىزگە سىن. ال، قازاق قىزدارىنىڭ وزگە ۇلتقا تۇرمىسقا شىققاندارى - جىگىتەرىمىزگە سىن. 

نازەركە لابيحان