بۇل قىز تانىسۋ فورۋمى ارقىلى وزىنە قالتالى كۇيەۋجىگىت ىزدەگەن. بۇل جايىندا myfeelings.ru پورتالى حابارلايدى، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

«بۇل جەرگە نە سەبەپتى جازىپ وتىرعانىم جايلى وتىرىك ايتپايمىن. وسى جىلى 25-كە تولامىن، ءوزىم وتە تارتىمدىمىن. تالعامىم بيىك، ەرەكشە ءستيلىم بار. جىلىنا 500 000$-دان اسا اقشا تاباتىن قالتالى ەركەككە تۇرمىسقا شىققىم كەلەدى. مەنى ارامپيعىلدى دەپ ويلايتىن شىعارسىزدار، الايدا ولاي ەمەس. سىزدەرگە تۇسىنىكتى بولۋ ءۇشىن بىلايشا جەتكىزەيىن: نيۋ-يوركتا جىلىنا 100 دوللاردان اسا قاراجات تاباتىن ادامدار عانا تۇرمىستىق جاعدايى ورتاشا بولىپ تابىلادى. مەن كەدەي بولعىم كەلمەيدى.

قوياتىن تالاپتارىم تىم قيىن ەمەس. وسى سايتتا جىلدىق تابىسى 500 000$-دان اساتىن ەركەك بار ما؟ الدە، سىزدەردىڭ باستارىڭىز بوس ەمەس پە؟ جانە دە سىزدەرگە تۇرمىسقا شىعۋ ءۇشىن نە ىستەۋىم قاجەت؟

وسى ۋاقىتقا دەيىن كەزدەسكەن جىگىتەرىمنىڭ جىلدىق تابىسى 250 000-نان اسپايتىن.

مەنىڭ بىرنەشە سۇراقتارىما جاۋاپ بەرە الاسىزدار ما؟

1 سىزدەر – قالتالى ازاماتتار قانداي جەرلەردە كوڭىل كوتەرەسىزدەر؟

2 قانداي جاستاعى ەركەككە تۇرمىسقا شىققانىم جاقسى؟

3 نەگە كوپتەگەن باي ەركەكتەردىڭ ايەلدەرىنىڭ ەسى دۇرىس ەمەس؟

4 قانداي قىزدار سىزدەرگە ايەلدىككە جارايدى، ال قانداي قىزدارمەن تەك كەزدەسىپ قانا قويار ەدىڭىزدەر؟

جاۋاپتارىڭىزدى كۇتەمىن!»

اقش-تىڭ ءىرى بانك باسقارماسىنىڭ ءتوراعاسى قىزدىڭ سۇراعىنا بىلاي دەپ جاۋاپ بەرىپتى:

«قۇرمەتتى سۇلۋىم!

فورۋمداعى مەنىڭ حابارلاماڭدى ۇلكەن قىزىعۋشىلىقپەن وقىپ شىقتىم. كوپتەگەن قىزداردىڭ ويى سەنىكىندەي دەپ ويلايمىن. ءسىزدىڭ جاعدايىڭىزعا ينۆەستيسيامەن سالىستىرمالى تۇردە تالداۋ جاساپ كورەيىن.

مەنىڭ جىلدىق تابىسىم - 500 000$-دان كوپ. بۇل ءدال سەنىڭ ىزدەگەنىڭ. سول سەبەپتى دە مەن ۋاقىتىمدى بوس كەتىرىپ وتىرعانىم جوق. كاسىپكەر رەتىندە ايتارىم، سىزگە ۇيلەنۋ – ءساتسىز شەشىم. نە سەبەپتى ەكەنىن تۇسىندەىرەيىن.

ءسىزدىڭ قالاپ وتىرعانىڭىز - سۇلۋلىققا اقشا تولەۋ، ياعني ا سۋبەكتىسى ءوز سۇلۋلىعىن ساتىلىمعا قويادى دا ب سۋبەكتىسى وعان اقشا تولەيدى. بارلىعى دا ءمىنسىز سەكىلدى.

الايدا، بۇل جەردەگى نەگىزگى ماسەلە مىنادا: ءسىزدىڭ سۇلۋلىعىڭىز ۋاقىتى كەلگەندە سولىپ قالادى، ال مەنىڭ وعان تولەگەن اقشام بەلگىسىز سەبەپتەرمەن جوعالىپ كەتەدى. بولاشاقتا مەنىڭ تابىسىم ۇلعايادى، ال ءسىزدىڭ سۇلۋلىعىڭىز جايلى بۇلاي ايتا المايمىن، ول كەرىسىنشە سونەدى.

ەكونوميكالىق تەرميندەرمەن تۇسىندىرەر بولسام، ءوزىمىزدى ەكى اكتيۆ رەتىندە قاراستىرايىق. مەنىڭ باعام بولاشاقتا وسەدى دە سىزدىكى قۇلدىرايدى. جاي عانا ەمەس، گەومەتريالىق دامۋ تۇرعىسىنان قۇلدىرايدى.

مىسالى، سىزبەن قارىم-قاتىناستى ساۋدا اينالىمى دەپ الساق. ۋولل ستريت ساۋداسىنداعى كەز كەلگەن تاۋار سەكىلدى والردىڭ وزىندىك پوزيسياسى بار.

ەگەر تاۋاردىڭ نارىقتاعى باعاسى تومەندەپ كەتسە، ءبىز ونى دەرەۋ ساتىپ جىبەرەمىز. ونداي اكتيۆتى قولدانۋ ءمانسىز. ءسىز قالاعان نەكەدە دە ءدال سولاي. مەن سەكىلدى ەركەكتەر ءسىز سەكىلدى قىزدارمەن، ارينە، تەك كەزدەسەدى، ءبىراق ەشقاشان دا ۇيلەنبەيدى. سىزگە بەرەر كەڭەسىم – مۇنداي جار ىزدەگەنىڭىزدى توقتاتىپ، دۇرىسى اقشا تابۋدىڭ جولدارىن ۇيرەنىڭىز دە، ءوزىڭىز جىل سايىن قالاعانىڭىزداي قاراجات يەلەنىڭىز. سول كەزدە قالتالى اقىماقتى تابۋ مۇمكىندىگىڭىز كوپ بولادى.

مەنىڭ جاۋابىم ءسىزدىڭ ءبىر كادەڭىزگە جارايدى دەپ ۇمىتتەنەمىن!»

راسىمەن دە، شىنايى سۇلۋلىق – سىرتقى كەلبەتتىڭ ادەمىلىگى ەمەس، ءتىپتى، 50 جىل وتسە دە سولمايتىن ىشكى جان دۇنيەنىڭ سۇلۋلىعى.