قازاقستاننىڭ وزگە قالاسىنا ۋاقىتشا تۇرۋ ءۇشىن بارعان كەز كەلگەن قازاقستاندىق مىندەتتى تۇردە سول جەردە تىركەلۋى كەرەك. بۇل تالاپتى ورىنداماعان جاعدايدا 10 ايلىق ەسەپتىك كورسەتكىش كولەمىندە، ياعني شامامەن 23 مىڭ تەڭگە ايىپ تولەيدى. تۇرعان جەرى بويىنشا تىركەلۋ تالابى – الەمدىك تاجىريبەدە بار نارسە. تىركەۋ ادامداردىڭ ەركىن ءجۇرىپ-تۇرۋىنا كەدەرگى جاسامايدى، ال تىركەلۋ ءۇشىن حالىققا قىزمەت كورسەتۋ ورتالىعىندا 10-20 مينۋت قانا ۋاقىت كەتەدى دەگەن بولاتىن ق ر ءىىم كوشى-قون پوليسياسى دەپارتامەنتى باسشىسىنىڭ ورىنباسارى گالينا سارسەنوۆا. «ۋاقىتشا تىركەۋ دەگەن نە جانە ول ءۇشىن قانداي قۇجاتتار كەرەك؟» دەگەن ماتەريالدا جاڭا زاڭنىڭ  قىر-سىرى باياندالعان بولاتىن.

«ۋاقىتشا تىركەۋ» جايلى اڭگىمەنىڭ شىققانى كەشە عانا. الايدا بۇگىن اتالمىش جاڭالىق قازاقستاندىقتاردىڭ قورقىنىشتى تۇسىنە اينالۋدا.

مۇرات ابەنوۆ facebook الەۋمەتتىك جەلىسىندەگى پاراقشاسىندا بىلاي دەپ جازادى: «ەندى قالاي؟ تىركەلسە، تولەم قىمباتتايدى. سەبەبى سالىق كوبەيەدى. پاتەر يەسى ءوز قالتاسىنان ونى تولەمەيدى. سالماق جالداعان ازاماتقا تۇسەدى. وعان جۇمىسىندا اقشا قوسا ما؟ تىركەلمەي تۇرسا – زاڭ بۇزعانى. ول كەزدە قىزمەتتىك ەتيكاعا قاراما-قايشىلىق ءۇشىن قىزمەتتەن شىعارا ما؟ وندا جۇمىستا كىم قالادى؟ وسىنى ويلاعاندار بار ما؟».