ميللياردەرلەر ەڭ باي ادامداردىڭ ىشىندەگى ەڭ داۋلەتتىلەرى. كوپتەگەن جاس كاسىپكەرلەر ميللياردەر بولۋدىڭ قارجىلىق جولىن تابۋدى ارماندايدى. الايدا ەڭ الدىمەن جاس كاسىپكەر ميللياردەرلەر قاي ەلدە  كوپ ەكەنىنە ءمان بەرۋ كەرەك. جوعارىدا ولار تۋرالى  مالىمەت كارتا ارقىلى بەرىلگەن.

وعان ساي ءار ەلدىڭ جەكەلەنگەن پايىزدىق كورسەتكىشتەرىن كورە الاسىزدار. ول  سالىستىرمالى تۇردە، بەس ساناتتا، بەس ءتۇرلى تۇسپەن كورسەتىلگەن. ولارعا جەكە-جەكە توقتالساق: 1. مۇرا. 2. قۇرىلتاي كومپانيالارى. 3. مەنشىك يەلەرى 4. باسشىلار. 4. ساياسي بايلانىس 5. قارجىلىق سەكتور.

مالىمەتتەر حالىقارالىق ەكونوميكا ينستيتۋتىنان الىندى.

كارتا ارقىلى قازاقستاننىڭ جاپپاي قويۋ سارىمەن بەرىلگەنىن كورەمىز. ياعني كارتاعا ساي، قازاقستانداعى ميللياردەرلەر بيلىكتەگىلەرمەن بايلانىس ورناتۋ ارقىلى جاعدايلارىن جاسايدى.  زەرتتەۋ بارىسىندا ميللياردەرلەر ەڭ كوپ شوعىرلانعان ەل – اقش ەكەنى بەلگىلى بولدى دەپ حابارلايدى businessinsider.com. الەمدەگى ميللياردەرلەردىڭ 30% جۋىعى اتالمىش ەلدەن ەكەن.  وعان ءتۇرلى فاكتورلار اسەر ەتۋى مۇمكىن. ونىڭ ءبىرى تاريحي سەبەپتەر نەمەسە ساياسي لاۋازىمى ارقىلى قول جەتكىزۋى مۇمكىن.

ەكىنشى ورىندا - جۇڭگو. ول الەمدىك ەكونوميكادا ويىپ تۇرىپ ورىن الادى. جۇڭگو ەكونوميكاسىن نىعايتۋ ءۇشىن كوپ قيىنىدىقتى ارتقا تاستادى. جۇڭگو وتە كەدەي مەملەكەت بولعان. كاسىپكەرلەر قاتارىنىڭ كوبەيۋۋى ميللياردەر سانىنىڭ ارتۋىنا الىپ كەلدى. ەلدە 200-دەن استام ميللياردەر بار. بۇل ەل ەكونوميكاسىنا جاعىمدى اسەر ەتتى. ال وڭتۇستىك كورەيادا جاعداي كەرىسىنشە. ميللياردەرلەردىڭ 74.1% وتباسىنان قالعان ميراس ارقىلى بايلىققا كەنەلگەندەر. ال جاپونيادا  ميللياردەرلەردىڭ 63% ءوز ءىسىن باستاۋ ارقىلى قازىرگى دارەجەگە جەتتى.  

وڭتۇستىك كورەياداعى جاعداي ەۋروپادا دا قايتالانىپ وتىر. ياعني داۋلەتتى تۋىستارىنىڭ ارقاسىندا وزدەرى دە ميللياردەر اتانىپ وتىر. ميراس ارقىلى ميللياردەر اتانىپ وتىرعانداردىڭ ىشىندە دانيا 83.3% كوش باستاپ تۇر. ەكىنشى ورىندى 64.7% كورسەتكىشپەن گەرمانيا الادى. ال كوشباسشى ۇشتىكتى شۆەسيا 63.2% ءتامامدايدى.

ميلليانەرلەردىڭ كوپتىگىمەن ماقتاناتىن اقش-تا  ميراس، قارجى سەكتورى مەن ءوز ءىسىن اشۋ ارقىلى وسى دارەجەگە قول جەتكىزگەن.