الپاۋىت ەلدەردىڭ ادامعا كۇلكى تۋعىزاتىن زاڭدارى دا بولادى.  وزگە مەملەكەتكە بارا قالساڭىز، سول ەلدىڭ كەيبىر وعاش زاڭدارىن دا ءبىلىپ العانىڭىز ءجون.

الەمنىڭ ەڭ كۇلكىلى زاڭدارى

جاڭا شوتلانديادا جاڭبىر جاۋىپ تۇرعان كەزدە كوگالداردى سۋارۋعا تىيىم سالعان.

انگليادا توسەك ورىندارىن تەرەزەدەن ءىلىپ قويۋعا تىيىم سالىنعان.

كانادا اۋماعىنداعى كۆەبەك ايماعىندا سارى ءتۇستى مارگارين ساتۋعا تىيىم سالىنعان.

اركانزاستىڭ زاڭى ءتىپتى قىزىق. ول ادامعا ەمەس، تابيعاتقا باعىتتالعان. اركانزاس وزەنىنە دەڭگەيى ليتتل روك كوپىرىنەن اسىپ كەتۋگە جول بەرىلمەيدى.

ەڭ زاڭعا باعىناتىن وزەن –اركانزاس ريۆەر

يتاليانىڭ ميلان قالاسىندا جەرلەۋ سالتىندا جانە اۋىرۋ كىسىنىڭ كوڭىلىن سۇراعاننان باسقا ۋاقىتتا بارلىق حالىقتىڭ جۇزىنەن كۇلكى تابىنىڭ ءبىلىنىپ تۇرعانى زاڭمەن بەكىتىلگەن. وسى مەملەكەتتە ماريا ەسىمدى ايەل جەرگىلىكتى زاڭعا سايكەس جەزوكشەلىكپەن اينالىسۋعا قۇقىسى جوق.

سينگاپۋردا ادام ءۇش رەت قوقىس تاستاپ ۇستالىنسا، زاڭ بۇزۋشى جەكسەنبى سايىن كوشەنى جۋىپ، «مەن قوقىس تاستادىم» دەگەن جازۋى بار تاقتايشانى موينىنا ءىلىپ ءجۇرۋى ءتيىس. ونىمەن قوسا، مۇنداي جازالار جەرگىلىكتى تەلەارنالاردان كورسەتىلەتىن بولادى.

اقش-تا ءبىر ۇيدە 6 قىزدان ارتىق ادام تۇرۋعا بولمايدى.

الەمدەگى ەڭ قيسىنسىز زاڭدار

بۇل وڭتۇستىك كورەيانىڭ زاڭىن قازاقستاندا ەشقاشان كەزدەستىرمەيتىنىڭ انىق. ول جاقتا جول پوليسەيلەرى العان پارالارىن باسشىلىققا حابارلاپ وتىرۋى مىندەتتى.

دانيادا قىلمىسكەرلەر زاڭ جۇزىندە تۇرمەدەن قاشىپ كەتۋىنە بولادى. ارينە، ولاردى ۇستاپ الادى، ءبىراق قاشقانى ءۇشىن ەشقانداي جازا قولدانىلمايدى.

كاناداداعى البەرتا ايماعىندا تۇرمەدەن بوساتىلعان قىلمىسكەرلەرگە جىلقى مەن وقتالعان تاپانشا بەرەدى. بۇل ولاردىڭ قالادان كەتىپ قالۋى ءۇشىن جاسالعان.

ال، ايداحودا تۇيەگە ءمىنىپ، بالىق اۋلاۋعا تىيىم سالىنعان.

بالتيموردا ارىستانمەن بىرگە تەاترعا كىرۋگە بولمايدى.

اريزونادا جۋىناتىن قاۋىزعا ەشەكتى ۇيىقتاتۋعا بولمايدى. ۇلكەن كولەمدە ايىپپۇل سالىنۋى مۇمكىن.

ال، سەنت لۋيستە ءوزىڭىزدى ءتارتىپتى ۇستاۋىڭىز كەرەك. كوشەلەردە شەلەكتەن سىرا ىشۋگە بولمايدى.

ماتەماتيكتەر ينديانا شتاتىنا تاڭ قالۋى مۇمكىن. ول جاقتا زاڭ جۇزىندە «پي» سانى 3،14-كە ەمەس، 4-كە تەڭ.

ميننەسوتادا جالاڭاش ۇيىقتاعان ادامدى تۇرمە كۇتىپ تۇر.

ايوۆادا ءورت سوندىرۋشىلەر ءورتتى سوندىرۋگە شىعار الدىندا 15-مينۋتتىق جاتتىعۋ جۇمىستارىن جۇرگىزۋى كەرەك.

پەنساكالا قالاسىندا ايەل ادام قاۋىزدا ەلەكتر قۇرالدارىن ابايسىزدا پايدالانۋ سالدارىنان قايتىس بولىپ كەتسە، 100 دوللار كولەمىندە ايىپپۇل تولەۋگە مىندەتتى.

ۇلىبريتانيادا پارلامەنت ۇيىندە ءولىپ قالۋعا تىيىم سالىنعان.  

قىتايدا سۋعا باتىپ بارا جاتقان ادامدى قۇتقارۋ زاڭعا قايشى، ويتكەنى ول ونىڭ تاعدىرىنا قول سۇعۋشىلىق بولىپ تابىلادى ەكەن. 

دايىنداعان: مارال شايحى