«قىز جىبەك» ءفيلمىن ءتۇسىرۋ بارىسىندا ەجەلگى رۋنا جازۋلارىن كورسەتۋ قاجەت بولادى دا، قۇمان تاستانبەكوۆ تاسقا ءوزى قاشاپ جازادى. كەيىننەن ونى عالىمدار تاۋىپ، ەجەلگى رۋنا جازۋى دەپ دالەلدەگەن. ءتىپتى، 1972 جىلى قويتاستاردى الماتىعا اكەلىپ، كورمە ۇيىمداستىرىلعان، - دەپ حابارلايدى  bmtv.kz 

بەلگىلى جۋرناليست نۇرلان سوڭعىباي ۇلى facebook-تەگى پاراقشاسىندا جازىلعان بۇل دەرەك كىم-كىمدى دە تاڭ قالدىرارى ءسوزسىز.

«قىز جىبەك» ءفيلمى تۇسىرىلگەننەن كەيىن اراعا 4-5 جىل سالا ادام تاڭقالارلىق ءارى كۇلكىلى قىزىق جاعداي بولدى. وسى كينوتۋىندى تۇسىرىلگەن الاڭ ماڭىنداعى اۋىل تۇرعىندارى: «ءبىزدىڭ اۋىلدان مىناداي بىلەزىك، مىناداي ساۋىت» تابىلدى دەپ «جادىگەرلەردى» مۇراجايعا تاپسىرا باستاپتى.

جارايدى قاراپايىم اۋىل قازاعىنا كەشىرىممەن قاراۋعا بولادى عوي. تاۋىپ العان «جادىگەرىن» جاڭالىققا بالاپ، اۋدانعا اپارىپ ءتيىستى ورىنعا تاپسىرعان شىعار.

ەڭ ماسقاراسى، وسى جەردە عالىمدار شاتىسىپ «سەنساسيا» جاساپ جىبەردى.

الماتى وبلىسىندا رۋنا جازۋلارى تابىلىپ، عىلىم اكادەمياسىنىڭ بىرنەشە عالىمى «بۇل ەسكى جازۋلار» دەپ قورىتىندى جاساعاسىن ۇلكەن جاڭالىققا اينالىپ شىعا كەلدى. كسرو بويىنشا ورتالىق گازەتتەر ماقالا، تەلەارنالار باعدارلاما تۇسىرەدى. ول قويتاستاردى 1972 جىلى الماتىعا سالتاناتتى تۇردە جەتكىزىپ، قالا كوشەلەرىندە حالىق  تاماشالاۋعا جينالىپ، اۋقىمدى شارا وتكەن.

سويتسە، كەيىن بەلگىلى بولعانداي بۇل رۋنا جازبالارى سان عاسىرلاردىڭ ەمەس «قىز جىبەك» ءفيلمىن تۇسىرۋگە كەرەك دەتال رەتىندە عانا تاسقا قاشالىپ جازىلعان. تومەندەگى ۆيدەودان سول تاستاعى جازبالاردىڭ ءبىرىن تولەگەن رولىندە ويناعان قۇمان تاستانبەكوۆتىڭ ءوزى قاشاپ جازعانىنا كوزىڭىز جەتەدى.