مەملەكەت باسشىسىنىڭ قاۋلىسىمەن بۇگىن قازاقستان رەسپۋبليكاسى ىشكى ىستەر مينيسترلىگىنىڭ كوشى-قون قىزمەتى كوميتەتى قۇرىلدى، دەپ جازادى اقوردانىڭ رەسمي سايتى.

«قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى قازاقستان رەسپۋبليكاسىنىڭ ىشكى ىستەر مينيسترلىگىنە ورالماندار مەن قونىس اۋدارۋشىلاردى قابىلداۋدىڭ وڭىرلىك كۆوتالارىن، شەتەلدىك جۇمىس كۇشىن تارتۋعا ارنالعان كۆوتانى قالىپتاستىرۋ جونىندەگى ۇسىنىستاردى ازىرلەۋ جانە قازاقستان رەسپۋبليكاسىنىڭ ۇكىمەتىنە ەنگىزۋ، قازاقستان رەسپۋبليكاسىنىڭ زاڭناماسىنا سايكەس كوشىپ-قونۋشىلاردى الەۋمەتتىك قورعاۋدى قامتاماسىز ەتۋ، ەڭبەكشى كوشىپ-قونۋشىلار مەن ەتنيكالىق قازاقتاردىڭ ءبىرىڭعاي دەرەكقورىن قالىپتاستىرۋ، قۇزىرەتى شەگىندە قازاقستان رەسپۋبليكاسىنىڭ حالىقتىڭ كوشى-قونى تۋرالى زاڭناماسىنىڭ ساقتالۋىن باقىلاۋ جونىندەگى فۋنكسيالار مەن وكىلەتتىكتەردى قوسپاعاندا، كوشi-قون سالاسىنداعى مەملەكەتتىك ساياساتتى ۆەدومستۆوارالىق ۇيلەستىرۋ جانە ىسكە اسىرۋ، كوشى-قون پروسەستەرىن مونيتورينگتەۋ، تالداۋ جانە بولجامداۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قايتا ۇيىمداستىرىلسىن،» — دەلىنگەن اقوردانىڭ رەسمي سايتىندا.

ايتا كەتەيىك، ەلباسىنىڭ قاۋلىسىمەن بۇگىن ەكى مينيسترلىك قايتا ۇيىمداستىرىلدى. مەملەكەت باسشىسى قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى قاۋلىسىنا ساي، 

قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ ماقساتىندا:

1) قازاقستان رەسپۋبليكاسىنىڭ ۇلتتىق ەكونوميكا مينيسترلىگى قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنە:

حالىقتىڭ كوشى-قونى سالاسىنداعى مەملەكەتتىك ساياساتتى قالىپتاستىرۋ؛

قۇزىرەتى شەگىندە شەت مەملەكەتتەردىڭ ۋاكىلەتتى ورگاندارىمەن جانە حالىقارالىق ۇيىمدارمەن كوشى-قون پروسەستەرىن رەتتەۋ سالاسىنداعى ىنتىماقتاستىقتى ۇيىمداستىرۋ جانە جۇزەگە اسىرۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ؛

2) قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگى قازاقستان رەسپۋبليكاسىنىڭ ىشكى ىستەر مينيسترلىگىنە ورالماندار مەن قونىس اۋدارۋشىلاردى قابىلداۋدىڭ وڭىرلىك كۆوتالارىن، شەتەلدىك جۇمىس كۇشىن تارتۋعا ارنالعان كۆوتانى قالىپتاستىرۋ جونىندەگى ۇسىنىستاردى ازىرلەۋ جانە قازاقستان رەسپۋبليكاسىنىڭ ۇكىمەتىنە ەنگىزۋ، قازاقستان رەسپۋبليكاسىنىڭ زاڭناماسىنا سايكەس كوشىپ-قونۋشىلاردى الەۋمەتتىك قورعاۋدى قامتاماسىز ەتۋ، ەڭبەكشى كوشىپ-قونۋشىلار مەن ەتنيكالىق قازاقتاردىڭ ءبىرىڭعاي دەرەكقورىن قالىپتاستىرۋ، قۇزىرەتى شەگىندە قازاقستان رەسپۋبليكاسىنىڭ حالىقتىڭ كوشى-قونى تۋرالى زاڭناماسىنىڭ ساقتالۋىن باقىلاۋ جونىندەگى فۋنكسيالار مەن وكىلەتتىكتەردى قوسپاعاندا، كوشi-قون سالاسىنداعى مەملەكەتتىك ساياساتتى ۆەدومستۆوارالىق ۇيلەستىرۋ جانە ىسكە اسىرۋ، كوشى-قون پروسەستەرىن مونيتورينگتەۋ، تالداۋ جانە بولجامداۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قايتا ۇيىمداستىرىلسىن.

2. قازاقستان رەسپۋبليكاسىنىڭ ۇكىمەتى:

1) قايتا ءبولiنەتiن شتات سانى شەڭبەرىندە قازاقستان رەسپۋبليكاسى ىشكى ىستەر مينيسترلىگىنىڭ كوشى-قون قىزمەتى كوميتەتىن قۇرۋدى؛

2) قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسۋ بويىنشا قايتا ۇيىمداستىرىلاتىن مەملەكەتتىك ورگاندار اراسىندا شتات سانىن قايتا ءبولۋدى؛

3) 2017 جىلعى 1 ساۋىرگە دەيىن قازاقستان رەسپۋبليكاسىنىڭ
2017 – 2021 جىلدارعا ارنالعان كوشى-قون ساياساتى تۇجىرىمداماسىن ازىرلەۋدى؛

4) وسى جارلىقتان تۋىندايتىن وزگە دە شارالار قابىلداۋدى قامتاماسىز ەتسىن.

3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.