الەۋمەتتىك جەلىلەردە نەكە اگەنتتىكتەرى قىزمەتتەرىن ۇسىنىپ جاتىر. بۇل تۋرالى newtimes.kz حابارلاپ وتىر.
نەكە اگەنتتىگى قازاقستاندىقتارعا قىتايدىڭ كاسىپكەرلەرىمەن تانىستىرۋدى ۇسىنادى. كومپانيانىڭ مالىمەتتەرىنشە، ولاردىڭ قولى بوسامايتىندىقتان ۋاقىتتى قۇر جىبەرۋگە مۇمكىندىگى جوق.
Facebook پاراقشاسىنداعى حابارلاندىرۋ تومەندەگىدەي جازىلعان:
«18-40 جاس ارالىعىنداعى باسى بوس قىزدار مەن ايەلدەر! پەكيننەن استاناعا نەكەگە تۇرۋ ماقساتىندا ەليت كلۋبتىڭ بويداقتار توبى كەلە جاتىر. ارناي ءىس-شارالار جوسپارلانۋدا. ەر ازاماتتار جاقسى قامتاماسىز ەتىلگەن، ەۋروپالىق جوعارى ءبىلىم العان، اعىلشىن ءتىلىن بىلەدى، كوبىسى ورىس ءتىلىن بىلەدى. كۇيەۋ جىگىتتىڭ ساۋالناماسىمەن نەكە اگەنتتىگىندە تانىسۋعا بولادى. كليەنتتەر ءۇشىن قاتىسۋ باعاسى -15000 تەڭگە، كليەنت ەمەستەرگە – 25000 تەڭگە. تاڭداۋ بار. بارلىق سۇراقتار بويىنشا: 8 702...98... حابارلاسىڭىز» ، – دەلىنگەن حابارلامادا.
قوڭىراۋعا جاعىمدى ايەل داۋىسى جاۋاپ بەرەدى جانە شارتتىڭ مالىمەتىمەن تولىققاندى تانىستىرادى. ءسىز كەلىسىمگە تۇرىپ، ساۋالنامانى تولتىرۋىڭىز كەرەك ەكەن، 5 سۋرەتىڭىزدى وتكىزىپ، كۇيەۋ جىگىتتەردىڭ ساۋالناماسىمەن تانىسا الاسىز. سودان كەيىن اگەنتتىكتىڭ قىزمەتىنە اقشا تولەيسىز.
«بۇل جىگىتتەر كاسىپكەرلەر بولىپ تابىلادى، اركىممەن كەزدەسۋگە ۋاقىتتارى جوق، تەك وتباسى قۇرعىسى كەلەتىن قىزداردى ىزدەيدى. مۇمكىن ءسىز ۇناتىپ، ءسىزدى ۇناتپاي قالۋى مۇمكىن. ونداي جاعدايلار دا بولادى. سول ءۇشىن سۋرەتىڭىزدى جىبەرەسىز، ساۋالناما تولتىراسىز، ءبىز ولارعا جىبەرەمىز. 10 قاڭتارعا دەيىن ءبىز سوڭعى سۋرەتتەرىڭىزدى جىبەرەمىز، مۇمكىن توپ وزگەرىپ، باسقا بىرەۋ ءسىزدى ۇناتىپ قالار. كەيىننەن ءسىزدى قاي جىگىت ۇناتقانىن ايتامىز. ولار كەلگەنشە ارالاسىپ، سويلەسە تۇراسىزدار. ءبىزدىڭ كەڭسەگە كەلىپ، Skype ارقىلى سويلەسەسىزدەر. ودان كەيىن ولار بىزگە 4 كۇنگە كەلەدى، ءسىزدى رەستورانعا كەشكى اسقا، بوۋلينگكە، كاراوكەگە جانە باسقا دا ورىندارعا شاقىرادى. سوڭىندا جۇپتارىڭىز جاراسىپ جاتسا، گالا كەشكى اسقا شاقىرادى. ەگەر بىر-بىرلەرىڭىزگە قىزىعۋشىلىق تانىتىپ، رومانتيكالىق قارىم-قاتىناس باستالسا، ولار سىزدەردى ءبىر اپتادان ءۇش ايعا ءوز ەلىنە شاقىرۋعا دايىن. قىتايدان عانا ەمەس، امەريكا مەن يرلانديادان دا كۇيەۋ جىگىتتەر بار»، – دەپ ايتىپ بەردى ايەل.
پىكىر قالدىرۋ