عالامتور بەتىندە بىرەر كۇن بۇرىن پايدا بولعان مىنا ءبىر سۋرەت جۇرتتىڭ زارەسىن الىپ، ۇرەيىن ۇشىردى، دەپ حابارلايدى Muslim.kz. قۇنداقتالعان ءسابيىنىڭ ۇستىنە بەس بىردەي گراناتانى ءىلىپ قويىپ، الاڭسىز جاتقان راديكالدىڭ سۋرەتى كوپتەگەن جاننىڭ اشۋ-ىزاسىن دا قوسا تۋدىرعان.
الەۋمەتتىك جەلىنى دۇرلىكتىرگەن سۋرەت اۆتورىن ىزدەستىرۋگە دەرەۋ كىرىسكەن تۋنيس ەلىنىڭ بيلىگى كوپ كەشىكتىرمەستەن كۇدىكتىنى قولعا تۇسىرگەن. بادجا پروۆينسياسىندا تۇراتىن ازاماتتىڭ ۇستىنەن بۇعان دەيىن بىرنەشە قىلمىستىق ءىس قوزعالعان ەكەن. ال، 2012 جىلدان باستاپ ەكسترەميستىك باعىتتاعى ءدىن ۇستانا باستاعان.
ونىڭ ايتۋىنشا، سەلفي سۋرەتى سول 2012 جىلى تۇسىرىلگەن. ال، ءسابيدىڭ ۇستىندەگى – ويىنشىق گراناتالار.
