ايتا كەتەيىك، 2017 جىلدىڭ 8 قاڭتارىندا شامامەن ساعات 03.30-دا شىمكەنت قالاسىندا حالىقتار دوستىعى كوشەسىندە ورناداسقان ەكى قاباتتى ۇيلەردىڭ بىرىندە گاز باللونى جارىلىپ، ەكى قاباتتى ءۇي قيراعان، ءۇي تولىقتاي قيراپ، جارامسىز بولىپ قالعان.

ق ر ۇلتتىق ۇلان 6506 اسكەري ءبولىمىنىڭ اسكەري قىزمەتشىسى باحراموۆ رۋسلان وقيعا بولعان ءۇيدىڭ ماڭىندا تۇرادى ەكەن. ول جارىلىستى ەستىپ، كوشەگە جۇگىرىپ شىققان. وسى ساتتە قيراعان ءۇي جاقتان بالانىڭ جىلاعان داۋسى ەستىلەدى. رۋسلان باحراموۆ ايەلىنە جەدەل جاردەم مەن ءورت ءسوندىرۋ قىزمەتىنە قوڭىراۋ شالۋدى بۇيىرىپ، ايعاي ەستىلگەن جاققا جۇگىرگەن. 

باسپا ءسوز قىزمەتىنىڭ مالىمەتىنشە، رۋسلان باحراموۆ دەر كەزىندە باتىل ارەكەت ەتىپ، ءۇيىندىنىڭ استىنان جۇمالييەۆتەر وتباسىن الىپ شىققان. "د.د.جۇمالييەۆ، ونىڭ ايەلى، ءبىر جاسار قىزى جانە ايەلىنىڭ شەشەسى دالاعا شىعارىلعان، الايدا جۇمالييەۆتىڭ ايەلى العان جاراقاتىنان قازا تاپتى"، - دەلىنگەن حابارلامادا.

وتباسىنى ءۇيىندى استىنان الىپ شىققان ستارشينانى ماراپاتتاۋ تۋرالى ۇسىنىس جاسالعانى ايتىلادى.

ايتا كەتەيىك، وسىعان دەيىن اپات-قۇتقارۋ شارالارى بارىسىندا وقو توتەنشە جاعدايلار دەپارتامەنتىنىڭ قىزمەتكەرلەرى - 23 ادام جانە 3 ارنايى تەحنيكا، اپاتتى-قۇتقارۋ جاساعىنىڭ 44 ادامى جانە 6 ارنايى تەحنيكاسى (ولاردىڭ ىشىندە كينولوگ ماماندار مەن يتتەر، مەديسينالىق-پسيحولوگيالىق قىزمەتتىڭ ماماندارى)، ءورت ءسوندىرۋ جانە اپاتتى-قۇتقارۋ جۇمىسىنىڭ - 17 ادامى مەن 4 ارنايى تەحنيكاسى، اپاتتى مەديسينالىق ورتالىعىنىڭ 3 قىزمەتكەرى، 4 جەدەل جاردەم كولىگى قۇرامىندا 16 ادام جانە 4 ارنايى تەحنيكا تارتىلعانى حابارلانعان ەدى.

وقو ءىىد 30 قىزمەتكەرى وقيعا بولعان جەردى قورشاۋعا الىپ، سونىمەن قاتار 4 ەنەرگەتيكا جانە گاز سالاسىنىڭ ماماندارى وسى اۋدانداعى ەلەكتر قۋاتى مەن گازدى وشىرگەن ەدى.