جۋرناليستەر سپيكەردىڭ بۇل ىس-ارەكەتىن قىلمىسقا بالاپ وتىر.
شەشەن پارلامەنتىنىڭ ورىنباسارى ماگومەد داۋدوۆ «كاۆكازسكيي ۋزەل» پورتالىنىڭ باس رەداكتورى گريگوريي شۆەدوۆقا قوقان-لوقى كورسەتتى دەپ حابارلايدى korrespondent.net، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.
داۋدوۆ Instagram جەلى پاراقشاسىندا «شۆەدوۆتىڭ اقىل تىستەرىن قاعىپ الىپ، ءتىلىن جۇلىپ الامىن» دەگەن سوزدەرمەن پوست جازعان بولاتىن. ءوز جازباسىن «كاۆكازسكيي ۋزەلدى قالاي شەشۋگە بولادى؟» دەگەن سۋرەتپەن سالعان.
گريگوريي شۆەدوۆ داۋدوۆتىڭ مۇنداي قوقان-لوقى كورسەتۋى تەك جەكە وزىنە عانا ەمەس، بارلىق تىلشىلەرگە باعىتتالعانىن تىلگە تيەك ەتە وتىرىپ، ءوز مالىمدەمەسىن جاسادى. «بۇل ءبىرشاما شەنەۋنىكتەر قوسىلىپ ايتقىزىپ وتىرعان ەسسىز ادامنىڭ ءسوزى. بۇل پوست جەكە مەنىڭ اتىما باعىتتالعانىمەن، ونداعى قوقان-لوقى سوزدەر تىلشىلەر قاۋىمىن قورقىتۋ ماقساتىندا ايتىلعان»، - دەدى «كاۆكازسكيي ۋزەل» پورتالىنىڭ باس رەداكتورى.
شۆەدوۆ داۋدوۆتىڭ بۇل پوستىن زاڭگەرلەرمەن تالقىلاپ جاتقاندىعىن حابارلادى. ءتىلشىنىڭ ايتۋىنشا، شەشەندىك سپيكەر قىلمىستىق كودەكستە كورسەتىلگەندەي، تىلشىلەردىڭ قۇقىعىن تاپتاۋ بابى بويىنشا جاۋاپقا تارتىلۋى قاجەت.
سونىمەن قاتار، «كاۆكازسكيي ۋزەل» پورتالى بۇقارا حالىقتىڭ بيلىك تاراپىنان كورسەتىلگەن قىسىمنىڭ سالدارىنان زارداپ شەگىپ جاتقاندىعىن كۇندەلىكتى باس تاقىرىپ رەتىندە جازۋدا. اتالمىش سايت جەلتوقسان مەن قاڭتار ايلارىندا گروزنىي قالاسىندا پوليسيا قىزمەتكەرلەرىمەن اتىسقان سودىرلاردىڭ تۋىستارىن تۇتقىنداعانى جايلى ماقالا جازعان بولاتىن.
«كاۆكازسكيي ۋزەل» سايتى، سونىمەن قاتار، كەنحي اۋىلىنداعى رامازان دجالالدينوۆتىڭ ءۇيىن پۋتينگە مەملەكەتتەگى جاعداي ناشارلاپ، شەشەن شەنەۋنىكتەرىنىڭ قارعىسىنا ۇشىراۋىن تىلەگەنى ءۇشىن ورتەپ جىبەرگەندىگى جايلى حابارلاعان.
2016 جىلى «كاۆكازسكيي ۋزەل» سايتىمەن سەرىكتەستىك قۇرعانى ءۇشىن شەشەندەگى شالينسكيي اۋداندىق سوتى ءتىلشى جالاۋدي گارييەۆتى ءۇش جىل باس بوستاندىعىنان ايىرۋ جايلى ۇكىم شىعارعان. گارييەۆتى ەسىرتكى ساقتادى دەگەن ايىپپەن قاماۋعا العان بولاتىن. «كاۆكازسكيي ۋزەل» پورتالى بۇل ءىستى قولدان جاسالعان ايىپ دەپ ايتقان.
