ق ر ەكس-پرەمەر-مينيسترى سەرىك احمەتتىڭ جازاسىن جەڭىلدەتىپ، مەرزىمىن قىسقارتۋ جونىندەگى ءوتىنىش سوتقا كەلىپ ءتۇستى دەپ حابارلايدى «قامشى»  قازاقپاراتقا سىلتەمە جاساپ.

«قازاقستان رەسپۋبليكاسىنىڭ تاۋەلسىزدىگىنە 25 جىل تولۋىنا قاتىستى سوتتالعاندارعا راقىمشىلىق ەتۋ» زاڭىنا سايكەس تۇرمەگە توعىتىلعان سەرىك احمەتوۆكە بەرىلگەن مەرزىمدى قىسقارتۋ جايلى سوتقا ءوتىنىش كەلىپ ءتۇستى. ءوتىنىشتى سوتتالىپ وتىرعان احمەتوۆتىڭ ءوزى باستاپ بەرگەن، ول بۇگىن كەلىپ تۇسكەن. ءىستى سوتقا وتكىزىپ، قاشان قارالاتىندىعى ەندى بەلگىلى بولادى»، - دەپ مالىمدەدى اباي اۋداندىق سوتىنداعى باق-تىڭ كوررەسپوندەنت مۇشەسى ارداق جۇماشيەۆ.

ەستەرىڭىزگە سالا كەتسەك، سەرىك احمەتوۆتىڭ ىسىنە قاتىستى كوررۋپسيا جاسادى دەپ ايىپتالعان قىلمىستىق توپتىڭ ءىسى  قاراعاندى وبلىسىنىڭ قىلمىستىق ىستەر بويىنشا اۋدانارالىق سوتىنا مىندەتتەلگەن بولاتىن. جاۋاپقا تارتىلعانداردىڭ سانى – 21 بولدى. 2015 جىلدىڭ 11 جەلتوقسانىندا ولارعا قاتىستى ۇكىم شىعىپ، حابارلانعان. احمەتوۆكە 10 جىل باس بوستاندىعىنان ايىرۋ، مۇلكىن تاركىلەۋ جانە 5 جىل كولەمىندە مەملەكەتتىك ورگان قىزمەتىنە تاعايىندالماۋ جونىندە ۇكىم شىعارعان.

قاراعاندى وبلىستىق سوتىنىڭ اپپەلياسيالىق ءبولىمى 2016 جىلدىڭ 14 ناۋرىزىندا جاۋاپقا تارتىلعانداردىڭ جازاسىن جەڭىلدەتىپ، احمەتوۆكە بەرىلگەن مەرزىمدى 8 جىلعا دەيىن قىسقارتقان.