جىنىسىن اۋىستىرعان بريتاندىق حايدەن كروسس ءوزىنىڭ جۇكتى ەكەنى تۋرالى حابارلادى، دەپ حابارلايدى inform.kz شەتەلدىك باق-قا سىلتەمە جاساپ.

گلوستەر قالاسىنىڭ 20 جاستاعى تۇرعىنى حايدەن كروسس جىنىسىن ايەلدەن ەركەككە اۋىستىرعاننان كەيىن دە بالا كوتەرۋگە مۇمكىندىك العان. جۇكتىلىك مەرزىمى - ءتورت اي. ول ۇرىق دونورىن فەيسبۋك جەلىسى ارقىلى تاپقان. سول سەبەپتى، بولاشاق نارەستەنىڭ اكەسى دە، اناسى دا جالعىز ءوزى بولىپ قالماق.حايدەن كروسس جىنىسىن اۋىستىرۋ تۋرالى شەشىمدى 17 جاسىندا قابىلداعان. وسى ماقساتقا جەتۋ ءۇشىن ول دارىگەرلەردىڭ كومەگىمەن ءتۇرلى گارموندىق پرەپاراتتار قابىلداۋعا جانە ءوزىنىڭ جەكە باسىن كۋالاندىرۋدى زاڭداستىرۋ ءۇشىن ءتولقۇجات جاساۋعا 3 جىل بويعى ءومىرىن سارپ ەتكەن. الايدا، كروسس جىنىسىن اۋىستىرۋدى كەيىنگە قالدىرعان. سەبەبى – ونىڭ بالا ءسۇيىپ، انا اتانعىسى كەلگەن.

“جۇكتىلىك – بۇل ايەلگە عانا ءتان قاسيەت. سوندىقتان، مەن تولىق ەركەككە اينالاردان بۇرىن بالا تۋىپ الۋدى ءجون سانادىم، جىنىس اۋىستىرۋ پروسەسىن سوسىن اياقتاعىم كەلەدى”، – دەيدى ول.

سونداي-اق، ول بالاسىنان ءوزىنىڭ ترانسگەندەر ەكەنىن جاسىرمايتىنىن ايتادى.

الايدا، حايدەن كروسس الەمدەگى ەڭ العاشقى ەكىقابات ەركەك اتانا المايدى. سەبەبى ونىڭ الدىن امەريكاندىق توماس بيتي وراپ كەتكەن بولاتىن.

توماس بيتي (تۋعان كەزدەگى ءاتى-جونى – ترەيسي لاگوندينو) 1974 جىلى 20 قاڭتاردا اقش-تىڭ گونولۋلۋ قالاسىندا دۇنيەگە كەلگەن. 2002 جىلى جىنىسىن اۋىستىرعان ترانسسەكسۋال 2007 جىلى جاساندى ۇرىقتاندىرۋ جولىمەن تاريحتا ەڭ العاشقى «ەكىقابات ەركەك» اتانعان بولاتىن. ونىڭ مۇنداي قادامعا بارۋىنا ايەلىنىڭ بەدەۋلىگى سەبەپشى بولعان. سوندىقتان، ول 23 جاسىنان باستاپ گارمونالدىق تەرەپيامەن اينالىسىپ، ءوز بويىندا ايەلگە ءتان ىشكى رەپرودۋكتيۆتى دەنە مۇشەلەرىن ساقتاپ قالعان. دونورلىق ۇرىقتاندىرۋ جولىمەن توماس بيتي ومىرگە ءۇش نارەستە (2008، 2009 جانە 2010 جىلدارى) الىپ كەلگەن. 2012 جىلى عانا ول تولىعىمەن جىنىسىن اۋىستىرىپ، ءقازىر زاڭدى تۇرعىدان تولىققاندى ەركەك بولىپ تابىلادى. الايدا، سول 2012 جىلى ول ايەلىمەن اجىراسۋعا ارىز بەرگەن.