«سەن جۇرگەن جەردە جۇرگىم كەلەدى»

/uploads/thumbnail/20170709193902585_small.jpg

وتكەن جىلدىڭ 10 ماۋسىمىندا ەلىمىزگە بەلگىلى پروديۋسەر بايان ەسەنتايەۆا مەن جارى باقىتبەك ەسەنتايەۆتىڭ اراسىندا بولعان جاعداي جۇرتشىلىقتىڭ نازارىنا ىلىگىپ، ءبىراز ادام جاعا ۇستاپ قالعان ەدى. سودان بەرى بايان قىزدىڭ قۇلاعى تىنىشتالار ەمەس. قوعام باياننىڭ جاقتاۋشىلارى مەن داتتاۋشىلارى بولىپ ەكىگە جارىلدى. قازاقتان اسىپ نە دەيمىز؟ ول – جەل تۇرماسا ءشوپتىڭ باسى قيمىلدامايتىنى.

2016 جىلدىڭ شىلدە ايىندا پروديۋسەردىڭ قىزى ايساۋلە باقىتبەك قىزى الماتى قالاسىنداعى قوعامدىق ورىنداردىڭ بىرىندە اناسىنىڭ جاڭا كوۆالەرى بيزنەسمەن تۋرسەنگالي الاگۋزوۆ ەكەندىگىن ايتقان. ەكەۋى 2016 جىلدىڭ كوكتەمىندە تانىسىپ، تانىستىقتارى دوستىققا ۇلاسا تۇسكەن.

باياندى بەس ساۋساعىنداي تانيمىن دەپ ويلايتىن قازاق تۋرسەن الاگۋزوۆ جايلى بىلە بىلمەيتىن شىعار. ەندەشە تانىستىرايىق. تۋرسەن دەگەنىمىز كادىمگى تۇرسىنعالي. قازاقستاندىق كومپوزيتور، ديريجەر تۇرىم الاكوزوۆتىڭ بالاسى.

(فوتودا: تۇرىم الاكوزوۆ پەن بايان ەسەنتايەۆا)

بۇگىنگى تاڭدا «Galanz Bottlers» اق كومپانياسى ديرەكتورلار كەڭەسىنىڭ ءتوراعاسى، قىسقاسى، قالتاسى قالىڭ ازامات. ءقازاقتىلدى باق-قا ول مەكتەپتەگى ءبىلىم بەرۋ جۇيەسىن ءۇشتىلدى قىلۋ ماسەلەسىن قولداپ حات جازعان قازاقستاندىق بيزنەسمەندەردىڭ ءبىرى رەتىندە جاقسى تانىس. سونىمەن قاتار بەدەلدى كاسىپكەردىڭ مىنا جازبالارىنا قارايتىن بولساق، سۇلۋ ايەلدەرگە دەگەن ىقىلاسى بولەك جان.

ادەمىلىككە ىنتىق بولسا دا باسى بوس ەمەس، ەكى بالاسى بار ميلليونەر ءتىلدىڭ «جاناشىرى» عانا ەمەس، قايىرىمدىلىقپەن اينالىساتىن مەيىرىمدى مەسەنات.

بايان حانىم باسىنان وتكەن اۋىر جاعدايدان كەيىن ومىرگە باسقاشا قاراي باستاعانداي اسەر قالدىردى. كوز جاسىنا ەرىك بەرىپ سۇحبات بەردى، تۇرمىستاعى زورلىق-زومبىلىق، ويناپ ءجۇرىپ وت باسقان بويجەتكەن قىزدار ماسەلەسىن كوتەردى. قىركۇيەكتىڭ ورتاسىندا جاڭادان بوي كوتەرگەن «كلارا «انالار ۇيىنە» باس سۇعىپ، جاس انالاردىڭ جاعدايىن سۇراستىردى. ينستاگرام پاراقشاسىندا ەموسياعا تولى مىنانداي جازبا قالدىرعان بولاتىن:

«الەم مەيىرىمدى جاندارسىز ەمەس. بۇگىن العاش رەت «انالار ۇيىنە» باردىم. ۇلكەن، ءارى ىڭعايلى. وندا 20 انا وزدەرىنىڭ بالالارىمەن بىرگە تۇرىپ جاتىر. جاس انالاردىڭ ازىرشە بارار جەر، باسار تاۋلارى جوق. ولاردى كۇتىپ جاتقان اتا-انالارى جوق، ولاردى تۋىسقاندارى، ءومىر ءسۇرىپ جاتقان قوعامى تۇسىنبەيدى. ءبىراق، ولار وزدەرىنىڭ پەرزەنتتەرىن شەكسىز جاقسى كورەدى، «انالار ءۇيى» بالالارىن جەتىمدەر ۇيىنە وتكىزبەس بۇرىن، ولاردىڭ مىڭ رەت ويلانۋىنا مۇمكىندىك بەرەدى. ولار وتە تاتۋ تۇرادى جانە انا بولۋ ءۇشىن وندا بارلىق جاعداي جاسالعان. قازاقستاندا ءدال وسىنداي 28 ءۇي بار، ونداي ۇيىمداردى مەيىرىمدى مەسەناتتار اشقان. وسىنداي ۇيلەردىڭ ارقاسىندا ەلىمىزدە جەتىمدەر سانى از. ەگەر ءسىزدىڭ ولارعا كومەكتەسۋگە دەگەن نيەتىڭىز بولسا، مىنا نومىرگە حابارلاسۋىڭىزعا بولادى: 8 701 752 72 45».
ماقساتتىڭ قىزى باياننىڭ مۇنداي ارەكەتىنە ريزا بولعان جۇرت ونى ودان سايىن ماقتاي، كوتەرمەلەي، قولداي ءتۇستى. ءسويتىپ ءجۇرىپ ءبىر سايكەستىك نازارعا ىلىكپەي قالدى. ول – «انالار ءۇيى» قق-نا سپونسورلىق جاسايتىن 18 پارتنەردىڭ ءبىرى، بايان بارعان «كلارا «انالار ءۇيىن» ءوز اقشاسىنا سالدىرتقان ميلليونەر الاكوزوۆ ەكەندىگى. اتالمىش جوبانىڭ يدەيا اۆتورى ايدىن راحىمبايەۆ باق-قا سۇحبات بەرگەندە «انالار ۇيىنە» قارجىلىق بولسىن، جالپى جان-جاقتى قولداۋ كورسەتكەن تۇرسىن دوسىن ەرەكشە اتاپ جۇرگەنى دالەل.

ال، ەندىگى سايكەستىكتەرگە ينستاگرام كۋا. جاريالاعان سۋرەتتەرگە نازار اۋدارىپ قاراساق، بايان مەن تۇرسىن بىردەي ۋاقىتتا ءبىر جەردە ءجۇر.

تۇرسىن ۆەتنامعا كەتتى دەيدى اكەسى.