ماڭعىستاۋ وبلىسىندا قالامقاس كەنىشىندەگى وil سonstruction سompany (OCC) كاسىپورنىنىڭ مۇنايشىسى مەيرامبەك قۋانتايەۆ بۇگىن تاڭەرتەڭگى ساعات 6-دان بەرى ءوندىرىس باسىنداعى كران ۇستىندە وتىر. بۇل تۋرالى ازاتتىققا سول جەردەگى باسقا مۇنايشىلار حابارلادى.

ءوزىن اسەنتاي دەپ تانىستىرعان وسس مۇنايشىسىنىڭ ايتۋىنشا، كران باسىندا وتىرعان مەيرامبەك قۋانتايەۆ قازاقستان تاۋەلسىز كاىپوداقتار كونفەدەراسياسىن تىركەتۋدى جانە ونىڭ ءتورايىمى لاريسا حاركوۆاعا قىلمىستىق قۋدالاۋدى توقتاتۋدى تالاپ ەتىپ وتىر.

اسەنتاي مەيرامبەك قۋانتايەۆتىڭ اپتا بويعى اشتىقتان ابدەن السىرەپ، پسيحولوگيالىق شارشاعانىن دا ايتتى.

- ول ەشكىممەن سويلەسۋدەن باس تارتادى جانە ب ا ق وكىلدەرىنىڭ ورتاعا كەلىپ، جاعدايدى جاريالاۋىن تالاپ ەتىپ وتىر، - دەيدى ول.

ازاتتىق قالامقاس كەنىشى - "ماڭعىستاۋمۇنايگاز" كومپانياسىنا تيەسىلى (كومپانيا اكتيۆتەرىنىڭ 50 پايىزى CNPC، 50 پايىزى "قازمۇنايگاز" ۇلەسىندە) بولعاندىقتان وندىرىستىك ايماقتاعى جاعدايدى كورۋ تۋرالى كومپناياعا ءوتىنىش حات تۇسىرگەن بولاتىن. الايدا كومپانيانىڭ كەڭسە قىزمەتكەرى شاتتىگۇل يمانوۆا جۋرناليستىك ساۋالدىڭ "ماڭعىستاۋمۇنايگاز" جارعىسىنا ساي ەمەستىگىن سەبەپ قىلىپ، قابىلداۋدان دا، ونى كومپانيا باس ديرەكتورى باقىت يمانبايەۆقا جەتكىزۋدەن دە باس تارتتى.

وسس كومپانياسى - "ماڭعىستاۋمۇنايگاز" كومپانياسىنىڭ مەردىگەرى. ول كومپانيا يەلىگىندەگى قالامقاس، جەتىباي كەنىشتەرىنە جوندەۋ، قۇرىلىس جۇمىستارىن جۇرگىزۋمەن اينالىسادى. وسس كومپانياسىنىڭ 400-گە تارتا جۇمىسشىسى قاڭتاردىڭ 5-سىنەن بەرى تاۋەلسىز كاسىپوداقتى تىركەتۋدى سۇراپ، اشتىق جاريالاپ وتىر. ولار سۋدان باسقا ءنار تاتپايتىن اشتىقتى جۇمىستارىن جاساي ءجۇرىپ جالعاستىرىپ جاتىر.