كونگرەسس حالىقارالىق جانە قازاقستاندىق ساراپشىلاردى، ۇكىمەت پەن جەرگىلىكتى اتقارۋشى بيلىك وكىلدەرىن، ۇلتتىق حولدينگ پەن ۇلتتىق كومپانيالاردىڭ باسشىلارىن، دامۋ ينستيتۋتتارىن، عزي جانە ۇلتتىق يننوۆاسيالىق جۇيەنىڭ نەگىزگى قاتىسۋشىلارىن جينادى. وسى جولى كونگرەسس قازاقستان رەسپۋبليكاسى ءۇشىن ماڭىزدى ءتورت باعىتقا كوڭىل ءبولدى: ەنەرگەتيكا، جاڭا ماتەريالدار، اقپاراتتىق جانە كوممۋنيكاسيالىق تەحنولوگيالار (اۆتوماتتاندىرۋ، روبوتتاندىرۋ، سيفرلاندىرۋ)، اگروونەركاسىپتىك كەشەندەگى قايتا تەرەڭ وڭدەۋ.

كونگرەسس باعدارلاماسىنا سايكەس، «مييدب ەكىنشى بەسجىلدىعىنداعى  يننوۆاسيالاردىڭ ءرولى» تاقىرىبىندا پلەنارلىق وتىرىس، «ماڭىزدى تەحنولوگيالاردى دامىتۋدىڭ حالىقارالىق تاجىريبەسى» جانە «بولاشاق ەنەرگياسى» ەكسپو-2017 تۇجىرىمداماسى اياسىندا «تازا تەحنولوگيالاردى» دامىتۋ» تاقىرىبىندا پانەلدىك سەسسيا ءوتتى. بۇل ءۇشىن كونگرەسكە مەملەكەتتىك ساياسات، ەكونوميكا جانە يننوۆاسيا سالاسىنداعى بەدەلدى حالىقارالىق ۇيىمدار مەن ينستيتۋتتار تارتىلدى.

كونگرەسس بارىسىندا جيىرما التى يننوۆاسيالىق جوبالار كورمەسىنە ەرەكشە كوڭىل ءبولىندى. ولاردىڭ ىشىندە ەكسپو-2017 حالىقارالىق ماماندىرىلعان كورمەسىنە قاتىساتىن  جوبالار دا بار. كورمەنىڭ ماقساتى قازاقستاننىڭ يندۋستريالدى-يننوۆاسيالىق دامۋ سۋبەكتىلەرىن تانىستىرۋ.

كونگرەسس سپيكەرلەرىنىڭ اراسىندا الەمدىك نوبەل سىيلىعىنىڭ لاۋرەاتى (2007 جىل)  راە كۆون چۋنگ، ءيزرايلدىڭ «L.N. Innovative Technologies» كوشباسشى بيزنەس-ينكۋباتورىنىڭ نەگىزىن قالاۋشى كلارا ورەن، Japan Technology Group كومپانياسىنىڭ باسشىسى ميتسۋ ياموموتو، قازاقستانداعى كونراد ادەناۋەر قورى وكىلدىگىنىڭ ديرەكتورى توماس حەلم، USAID كليمات وزگەرىسىن توقتاتۋعا باعىتتالعان قازاقستاندىق باعدارلاماسىنىڭ باسشىسى الەكسەي سانكوۆسكيي بار.

سونىمەن قاتار، كونگرەسس اياسىندا كاسىپكەر، Future labs كومپانياسىنىڭ نەگىزىن قالاۋشى الەكساندر بوروديچ كاسىپكەرلەرگە شەبەرلىك-ساعاتىن وتكىزدى.

كونگرەسس اياسىندا «تەحنولوگيالىق دامۋ جونىندەگى ۇلتتىق اگەنتتىگى» اق-ى قولداۋ كورسەتكەن جوبالار بويىنشا ارمەنيا جانە بەلورۋسسيانىڭ  «ستەندينگ» ج ش س (كەزەكتەردى ەلەكتروندى باسقارۋ جۇيەسى)، «Elim بيزنەس-شەشىمدەر ورتالىعى» («KAZDATA ماركەتينگتىك بيزنەس-انىقتامالىق») كومپانيالارىمەن ىنتىماقتاستىق تۋرالى مەموراندۋمدار مەن كەلىسىمدەرگە قول قويىلدى. «تەحنولوگيالىق دامۋ جونىندەگى ۇلتتىق اگەنتتىگى» اق-ى «يننوۆاسيالىق تەحنولوگيالار پاركى» اۆتونومدى كلاستەرلىك قورى مەن «جاسىل ەكونوميكا» جانە G-Global كواليسياسىمەن مەموراندۋم جاساستى. سونىمەن قاتار، «يننوۆاسيالىق تەحنولوگيالار پاركى» اۆتونومدى كلاستەرلىك قورى مەن «قازاقستان عارىش ساپارى» مەموراندۋمعا قول قويدى.

شارانى «تەحنولوگيالىق دامۋ جونىندەگى ۇلتتىق اگەنتتىگى» اق قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ قولداۋىمەن ۇيىمداستىردى.