دۇنيەجۇزى قازاقتارى قاۋىمداستىعىنىڭ 20 جىلدىعىنا وراي شەتەلدىك جانە ورالمان قازاق جاستارىنىڭ اراسىندا “اتامەكەن جانە شەتەلدەگى قازاق جاستارى”  اتتى جىر ءمۇشايراسى مەن تەرمەشىلەر سايىسى وتەدى.

ەرەجەسى

دۇنيەجۇزى قازاقتارىنىڭ قاۋىمداستىعى 2012 جىلدىڭ قازان ايىندا الماتى قالاسىندا وتەتىن دۇنيەجۇزى قازاقتارى قاۋىمداستىعىنىڭ قۇرىلعانىنا جانە كوشى-قوننىڭ باستالۋىنا 20 جىل تولۋىنا وراي “اتامەكەن جانە شەتەلدەگى قازاق جاستارى” اتتى  شەتەلدە تۇراتىن جانە ورالمان قازاق جاستارىنىڭ جىر ءمۇشايراسى مەن تەرمەشىلەر سايىسىن وتكىزۋدى جوسپارلاپ وتىر.

                                  ءمۇشايرا مەن تەرمە سايىسىنىڭ ماقساتى:

 – شەتەلدەگى جاس قازاق اقىندارىنىڭ جىرلارىن بايقاۋعا قاتىستىرۋ ارقىلى ولاردىڭ ۇلتتىق وتانشىلدىق سەزىمىن ۇشتاپ، اتاجۇرتىنا دەگەن ماحابباتىن ارتىرۋعا، مەملەكەتتىك ءتىلدىڭ مارتەبەسىن ودان ءارى كوتەرۋ، ءالى تانىلا قويماعان اقىنداردى، اسىرەسە، جاس دارىنداردى انىقتاۋ.

 – قازاق جاستارى اراسىندا وتانسۇيگىشتىكتى كەڭىنەن ناسيحاتتاۋ، وسكەلەڭ ۇرپاقتىڭ ءون بويىنا ۇلتتىق رۋحتى سىڭىرۋگە، تاۋەلسىزدىكتى تەرەڭ سەزىنۋگە جانە 20 جىلدىق مەرەيتويىن كەڭىنەن ناسيحاتتاۋ.

 ءمۇشايرا مەن تەرمە سايىسىنىڭ  شارتى:

 ءمۇشايرا مەن تەرمە سايىسىنا 35 جاسقا دەيىنگى شەتەلدەردە جانە قازاقستان رەسپۋبليكاسىندا تۇراتىن اقىندار قاتىسا الادى.

اۆتوردىڭ شىعارماسى ەشبىر جەردە جاريالانباعان بولۋ كەرەك.

ءبىر اقىنعا ءۇش ولەڭمەن قاتىسۋعا بولادى.

ءبىرىنشى ولەڭى – اتامەكەن، دۇنيەجۇزى قازاقتارى قاۋىمداستىعىنا –20 جىل /مىندەتتى/؛

ەكىنشى ولەڭى – شەتەلدەگى قانداستار تاعدىرى جانە كوشى-قون تۋرالى (مىندەتتى)؛

ءۇشىنشى ولەڭ - ەركىن تاقىرىپتاعى ولەڭ بولۋى قاجەت.

                 تەرمە سايىسى – ەركىن تاقىرىپ

ولەڭدەر 2012 جىلدىڭ 15 قىركۇيەگىنە  دەيىن قابىلدانادى. جىبەرىلەتىن ولەڭ ءماتىنىنىڭ استىنا اۆتوردىڭ تولىق ءاتى-جونى، ءومىربايانى، بايلانىس تەلەفوندارى، تۇرعىلىقتى مەكەن-جايى كورسەتىلۋى شارت.

ۇيىمداستىرۋشىلار اۆتورلارعا وزدەرى كورسەتكەن بايلانىس تەلەفوندارى ارقىلى حابارلاساتىن بولادى. ارنايى ءادىلقازىلار القاسىمەن ىرىكتەلگەن جۇلدەگەرلەردى ماراپاتتاۋ ءراسىمى 2012 جىلدىڭ قازان ايىندا الماتى قالاسىندا دۇنيەجۇزى قازاقتارى قاۋىمداستىعىنىڭ قۇرىلعانىنا 20  تولۋىنا وتەتىن ءىس-شارالار شەڭبەرىندە وتكىزىلەدى.

 ءادىلقازىلار القاسىنىڭ شەشىمىمەن جەڭىمپازدارعا ءۇش دارەجە بويىنشا جۇلدە تاعايىندالادى:

 ءبىرىنشى جۇلدە – 1

ەكىنشى جۇلدە –  1

ءۇشىنشى جۇلدە – 1

ىنتالاندىرۋ سىيلىعى – 3

ءمۇشايرا جەڭىمپازدارى  لاۋرەاتتىق  ديپلومدارمەن جانە  باعالى سىيلىقتارمەن ماراپاتتالادى.

 اقىندار ولەڭدەرىن «ءمۇشارايعا» دەگەن اتپەن مىنا مەكەن جايعا جىبەرە الادى: الماتى قالاسى، ش.ءۋاليحانوۆ كوشەسى، 43 ا.

ولەڭدەردى عالامتور ارقىلى  كەلەسى ەلەكتروندىق پوشتاعا جىبەرۋگە بولادى:  akberen.80@mail.ru نەمەسە kazaktar.kz@mail.ru  

قازىلار القاسى

 ءمۇشايراداعى ولەڭدەرگە باعا بەرەتىن قازىلار القاسىنىڭ قۇرامى ءتوراعادان، حاتشىدان جانە 3-5 القا مۇشەلەرىنەن تۇرادى.

 قازىلار القاسىنىڭ قۇرامىن دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى بەكىتەدى.

 قازىلار القاسى اقىنداردىڭ ولەڭىنە تالداۋ جاسايدى جانە 10 بالدىق جۇيەمەن باعالايدى، جەڭىمپازداردى انىقتايدى جانە جۇلدەلى ورىنداردى بولەدى.

 ءادىلقازىلار القاسىنىڭ قۇرامى

1. سەرىك تۇرعىنبەك ۇلى – اقىن، ءادىلقازىلار القاسىنىڭ ءتوراعاسى؛

1. ءسۇلتانالى بالعابايەۆ – جازۋشى-دراماتۋرگ، دۇنيەجۇزى قازاقتارى قاۋىمداستىعى ءتورالقا ءتوراعاسىنىڭ ورىنباسارى؛

1. نەسىپبەك ايت ۇلى – اقىن، «التىن تامىر» جۋرنالىنىڭ باس رەداكتورى؛

1. جاننات اسكەربەك قىزى – اقىن، «وتىرار كىتاپحاناسىنىڭ» قىزمەتكەرى؛

1. مۇرات شايماران – اقىن، قازاق ۇلتتىق ۋنيۆەرسيتەتىنىڭ قىزمەتكەرى؛