فيليپپين استاناسى مانيلادا "الەم ارۋى-2016" بايقاۋى وتۋدە. 86 ەلدەن كەلگەن ارۋلار ساحناعا شومىلۋعا كيەتىن كيىم كيىپ شىعىپ، ارنايى كويلەكتەرىمەن ءجۇرىپ ءوتتى، دەپ حابارلايدى nur.kz پورتالى.

قازاقستاننىڭ اتىنان بايقاۋعا 19 جاستاعى سەمەي ارۋى دارينا قۇلسەيىتوۆا اتتانعان بولاتىن.

بايقاۋ فينالىنا تەك 12 قاتىسۋشى عانا وتەدى. ولاردىڭ ون ءبىرىن ءادىلقازىلار القاسى تاڭداسا، بىرەۋى كورەرمەندەردىڭ داۋىس بەرۋى ارقىلى تاڭدالادى.

بايقاۋ فينالى مانيلا Mall of Asia Arena كەشەنىندە 29 قاڭتاردا وتپەك.

دارينا قۇلسەيىتوۆا "قازاقستان ارۋى" بايقاۋىنىڭ، World Beauty 2016، Best Foto Model World Russian Beauty 2015 حالىقارالىق سۇلۋلىق بايقاۋلارىنىڭ ءفيناليسى، «Miss International Vietnam 2014» بايقاۋىندا (Fashion House International حالىقارالىق سۇلۋلىق بايقاۋى) جەڭىمپازدار قاتارىنان كورىنگەن.

ەسكە سالساق، دارينا بايقاۋعا وتاندىق ديزاينەر نايل بايكۇشىكوۆتىڭ كويلەگىن كيىپ شىققان. سالماعى 20 كەلى بولاتىن باعالى تاستارمەن بەزەندىرىلگەن كويلەكتىڭ قۇنى 2 ملن تەڭگە دەپ باعالانعان.