سارا توقتامىسوۆا ءوزىنىڭ الەۋمەتتىك جەلىدەگى پاراقشاسىندا قازاق قىزدارىنا نارازىلىعىن ءبىلدىردى. ونى قىنجىلتاتىنى – قازاق قىزدارىنىڭ كينودا ءارتۇرلى جىگىتتەرمەن ايمالاسىپ جۇرەتىنى. قازاق اكتريسا قىزدارعا قاتىستى ويىن سارا توقتامىسوۆا بىلايشا جەتكىزدى:

«جاڭا ءبىر كليپ كوردىم دە. قازاقتىڭ اپ-ادەمى قىزى. قازاقشا سايراپ تۇر. وتكەندە 2-3 كينودان كوزىم شالىپ قالدى، ءار كينودا ءارتۇرلى جىگىتپەن قۇشاقتاسىپ، قۇشاقتاسقانى بىلاي تۇرسىن ايمالاسىپ وبرازعا كىرىپ-اق ءجۇر ەندى. ەندى ءار كليپتە ءار ءتۇرلى جىگىتپەن تاعى سول، وشپەس سەزىم، ساعىنىپ قوسىلعان ماxاببات، نەسىن ايتاسىڭ، تاعى سول عاشىق جاننىڭ رولىندە وينايمىن دەپ نەبىر سيپاتتاعى كادرلەردى سومداپ-اق ءجۇر. ەرتەڭگى كۇنى بۇل قىز تۇرمىس قۇرادى، انا بولادى، سوندا جۇبايىمەن بىرگە جايباراقات مىناۋ كينو، كليپتەرىن ساراپتاپ كورە بەرەدى. بالا-شاعاسىنا "مىنە، مەن ويناعان تۋىندىلار"، – دەپ ۇيالماي كورسەتە بەرەدى. قازاقتىڭ قانشا ورىمدەي قىزدارى تۋرا سولاي بولساق دەپ الدىنا ارمان، ماقسات قويادى، قيالدايدى "وندا تۇرعان نە بار؟"دەگەن سويلەمدى كولدەنەڭ قويىپ الادى دا، ار جاعىن ءبىلىپ وتىرسىزدار. مىنە، مىنە، سول جاعى ويلاندىرىپ كەتەدى. اللا قاي-قايسىمىزعا تۋرا جول كورسەتسىن دەيمىز».