قاراعاندىلىق ريتۋالدى قىزمەت كورسەتەتىن دۇكەندەردىڭ ءبىرى گولليۆۋد جۇلدىزدارى اندجەلينا دجولي مەن برەد پيتت بەينەلەگەن قۇلىپتاس ساتۋدا. ونى ساتىپ الىپ جاتقان ەشكىم جوق. مۇنىڭ ءبارى جارنامالىق قادام. دجولي مەن ءپيتتىڭ سۋرەتتەرى عالامتوردا تارالىپ كەتكەندىكتەن بۇگىندە ەستىگەن جۇرت ەرىكسىز جاعاسىن ۇستاۋدا. ماسەلە گولليۆۋد جۇلدىزدارىندا ەمەس. ماسەلە كىرىس كوزىن كوبەيتەمىز دەپ ءتىرى ادامداردى ءولى ساناتىنا جاتقىزۋدان قورىقپاۋ. سۋرەتتى كورگەن قازاقستاندىقتار «ماسقارا، ادامگەرشىلىكتەرى قايدا، مىنا جۇرت پايدادان باسقا ءبىر نارسە ويلاي ما ەكەن» دەپ پىكىر بىلدىرگەن. سۋرەتتى كورگەن ءبىز دە ەسەڭگىرەپ قالدىق. سويتسەك، مۇنداي ماركەتينگتىك ءادىس-تاسىل تاجىريبەدە ءبىرىنشى رەت قولدانىلىپ جاتقان جوق ەكەن. بۇعان دەيىن دە مۇنداي قۇلىپتاس (اتاقتى ءتىرى ادامداردىڭ بەينەسىن تاسقا ءتۇسىرۋ) رەسەيدە جارنامالىق نەگىزدە ءساتتى قولدانىلىپ كەلگەن. مىسالى، اتاقتى اكتەر دجوردج كلۋني، رف پرەزيدەنتى ۆلاديمير پۋتين جارنامانىڭ قۇربانى بولىپ ولگەندەردىڭ قاتارىندا ءجۇر.
جازيرا بايدالى
