ShadowTeam حاكەرلەر توبى الماتى قالالىق ءماسليحاتىنىڭ رەسمي سايتىنا حاكەرلىك شابۋىل جاساعان. بۇل تۋرالى Facebook جەلىسىندە كيبەرشابۋىلداردى تەرگەۋ جانە ساراپتاما ورتالىعىنىڭ وكىلدەرى جاريالادى، - دەپ حابارلايدى Tengrinews.kz ءتىلشىسى. 

ورتالىق ماماندارىنىڭ ايتۋىنشا، سايت CMS DLE ەسكىرگەن نۇسقاسىمەن جۇمىس ىستەپ كەلگەن. "سونىمەن قاتار، CMS كوشىرمەسى زاڭسىز، بۇل تۋرالى باستى سايتتىڭ بەتىندەگى شابلون دالەلدەيدى. بۇگىندە وزەكتى بولىپ 11،2 نۇسقاسى پايدالانىلادى، بۇل دەگەنىمىز سايت يەلەرىنىڭ قاۋىپسىزدىك ماسەلەلەرىنە سالعىرت قاراۋى جانە ورناتىلعان CMS قۇرىلعىسىن جاڭارتىپ وتىرۋ جۇزەگە اسىرىلماعان. وسى سەبەپتى تىركەلمەگەن قولدانۋشىلار سايتقا كىرە بەرەدى"، - دەلىنگەن قوعامدىق ۇيىمنىڭ حابارلاماسىندا.

سونىمەن قاتار، مامانداردىڭ ايتۋىنشا، ShadowTeam حاكەرلەر توبى 28 قاڭتاردا gov.kz اياسىنداعى سايتتارعا جاپپاي كيبەرشابۋىل جاساعان، سونىڭ ىشىندە سولتۇستىك قازاقستان وڭىرىندەگى اۋدانداردىڭ مەملەكەتتىك سايتتارىنا، شقو تابيعي رەسۋرستار دەپارتامەنتى (http://www.e-priroda.gov.kz/) جانە الماتى وبلىسىنىڭ ەكونوميكا جانە بيۋدجەتتىك جوسپارلاۋ باسقارمالارىنىڭ (www.alplan.gov.kz) سايتتارى دا بار. وسى اتالعان سايتتاردىڭ بارلىعىندا دا بۇزىپ كىرۋ دەرەگى بويىنشا، ەشقانداي دا شارا قولدانىلماعان. 

"CERT.KZ (ساركا) ماماندارىنىڭ ويىنشا، سەرۆەردىڭ ورنالاسقان جەرى ياعني وسى سايتتاردىڭ ورنالاسقان جەرى - 82.200.247.240 ("قازاقتەلەكوم" اق)، سونداي-اق الماتى قالالىق ءماسليحاتىنىڭ سايتى دا كىرەدى"، - دەلىنگەن حابارلامادا.