اقىن-ۇستاز، الەۋمەتتىك جەلىدە بەلسەندى بلوگەر اياتجان احمەتجاننىڭ 30 جاسىنا ءۇش ۇلكەن كىتابىمەن ەسەپ بەرگەنى تۋرالى حابارلاعان ەدىك. ول سونداي-اق تاعى ءبىر كىتابىن باسپادان شىعارۋعا دايىنداپ جاتقانىن جازعان. اياتجان احمەتجان 30 جاسىندا شىعارعان كىتاپتارىن تاۋەلسىزدىكتىڭ 25 جىلدىعىنا ارناعان.

اياتجان احمەتجان وقىرماندى كىتاپتارىنىڭ تۇساۋكەسەرىنە شاقىرادى. 3 اقپان كۇنى استاناداعى ۇلتتىق اكادەميالىق كىتاپحانانىڭ ءماجىلىس زالىندا اياتجان احمەتجاننىڭ كىتاپتارىنىڭ تۇساۋكەسەرى وتەدى. تۇساۋكەسەردە «مىنەز» اتتى جىر جيناعى، «ۇلت بولام دەسەڭ...» سۇحباتتار مەن ماقالالار جيناعى ءھام ءوزىنىڭ ماماندىعىنا بايلانىستى 8 سىنىپ مەكتەپ وقۋشىلارىنا ارنالعان «حيميادان ەسەپتەر مەن جاتتىعۋلار جيناعى» تانىستىرىلادى.

وقىرمان نازارىنا تانىستىرا كەتسەك، احمەتجان اياتجان – قازاقستان رەسپۋبليكاسى ءبىلىم جانە عىلىم ءمينيسترىنىڭ «قۇرمەت» گراموتاسىنىڭ يەگەرى، جوعارى ساناتتى حيميا ءپانى ءمۇعالىمى، حيميا عىلىمدارىنىڭ ماگيسترى، ءقازبىلىم (kazbilim.kz) پورتالىنىڭ باس رەداكتورى، اقىن. بلوگەر. 1986 جىلى 18 شىلدەدە قحر، ش ۇ ا ر، مۇڭعۇلكۇرە اۋدانى، اعاياز اۋىلىندا تۋىلعان.

2011 جىلى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ جاراتىلىستانۋ عىلىمدار فاكۋلتەتىندە حيميا باكالاۆرىن تامامداعان؛ 2015 جىلى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە وقۋىن جالعاستىرىپ، حيميا عىلىمدارىنىڭ ماگيسترى بولدى.

وقۋشىلارى وبلىستىق، رەسپۋبليكالىق، حالىقارالىق وليمپيادالاردىڭ جەڭىمپازى؛ رەسپۋبليكالىق، وبلىستىق، قالالىق اقىندار ايتىسى جەڭىمپازى؛

رەسپۋبليكالىق، وبلىستىق، قالالىق ءمۇشايرالار جەڭىمپازى؛

2010 جىلى «ەركىمە كونشى، ەي، ءومىر» اتتى جىر جيناعى جارىق كورگەن؛

عىلىمي – ساراپتامالىق جانە پۋبليسيستيكالىق ماقالالارى، ولەڭدەرى مەرزىمدى، مەرزىمسىز باسىلىمداردا ۇزدىكسىز جاريالانىپ تۇرادى؛