16 جاستاعى شاليني ياداۆتىڭ ءومىرى توزاققا ۇقسايدى. تۋىلعان ساتىنەن باستاپ اۋىر دەرتكە شالدىققان قىز 45 كۇندە قايتالانىپ وتىراتىن ازاپتى باسىنان كەشىرىپ كەلەدى. ءار 45 كۇن تولعان ۋاقىتتا تەرىسى الىنا بەرەدى، سولايشا ءار اي سايىن قايتالانا بەرەدى ەكەن. وكىنىشكە قاراي، شاليني ءار كەز ادام توزگىسىز جانىنا باتقان اۋرۋدى باسىنان كەشىرەدى. دارىگەرلەر قىزدىڭ ەريترودەرميانىڭ اۋىر تۇرىنە شالدىققانىن ايتىپ وتىر. بۇل ايىقپاس تەرى اۋرۋى قىزدىڭ عانا ەمەس، ونىڭ تۋىستارىنىڭ دا جانىنا قاتتى باتادى.

ءشالينيدىڭ ەرەكشە سىرت كەلبەتىنە قاراپ، ادامدار ونى «جىلان-ادام» دەپ اتاپ كەتكەن.  

تۋىلعان كەزىندە قىزدى كورگەن دارىگەرلەر تاڭ قالعان. سودان بەرى اتا-اناسى قىزدىڭ ءومىرىن جاقسارتۋ ءۇشىن قولىنان كەلگەنىن ىستەپ جاتىر. وكىنىشكە قاراي، جوقشىلىقتان تارىققان وتباسىنىڭ ءشالينيدى ەمدەۋگە جەتكىلىكتى قاراجاتتارى جوق.

قىزدىڭ تەرىسى سىپىرىلىپ تۇسپەۋى ءۇشىن وعان ۆاننا قابىلداپ، ءار ءۇش ساعات سايىن ىلعالداندىراتىن كرەم جاعىپ تۇرۋى كەرەك. ءبىراق بۇل كرەمدى ساتىپ الۋعا قىزدىڭ اتا-اناسىنىڭ جاعدايى جوق.

شالينيدىڭ سىرت كەلبەتىنىن اينالاسىنداعىلار ۇرەيلەنە قارايدى. سوندىقتان وعان مەكتەپكە بارۋعا تىيىم سالدى.

قىزدىڭ ءوزى اۋرۋدى تەرىسىنىڭ ءتۇسۋ كەزىندە عانا سەزىلمەيتىنىن ايتادى. ونىڭ تەرىسى وتپەن كۇيدىرىپ جاتقان ءتارىزدى بولادى ەكەن. ودان بولەك، شاراسىز قىزدىڭ تەرىسى كۇننەن-كۇنگە قاتتى بولىپ بارادى. ءتىپتى، وعان ءجۇرۋدىڭ ءوزى مۇڭ ەكەن.

قىزدىڭ اتا-اناسى ماسەلەنى شەشۋدەن ۇمىتتەرى ۇزىلگەندەي. شالينيدەن بولەك وتباسىدا تاعى جەتى بالا بار.

ەڭ قورقىنىشتىسى، قىز دەرتىنەن تولىعىمەن ايىعا المايدى. تەك دارىلەر ارقىلى ونىڭ اۋرۋىن جەڭىلدەتۋگە بولادى. الايدا جەتكىنشەكتىڭ اتا-اناسىنىڭ بۇعان شاماسى جەتپەيدى.

ءشالينيدىڭ ءوزى بۇل دەرتىنە قانداي دا ءبىر قارعىس رەتىندە ەسەپتەيدى. باقىتىنا وراي قىز تۋرالى باسىلىمداردا حابارلانعاندا، الەمنىڭ ءار تۇكپىرىنەن وعان كومەك قولىن سوزامىن دەيتىن ادامدار تابىلدى. 16 جىلدان كەيىن قىزدىڭ ءومىرى جاقسى جاعىنا قاراي وزگەرەدى دەپ ۇمىتتەنەمىز!