ساياساتتانۋشى ەرلان سايروۆ قازاق جەرىنە كوز الارتقان رەسەيدەگى كەيبىر رەسمي تۇلعالارعا سانكسيا سالۋ قاجەت دەپ باستاما كوتەرىپ وتىر. ول بۇل تۋرالى الەۋمەتتىك جەلىدە جازدى.
«ق ر سىرتقى ىستەر مينيسترلىگىنە!
رف مەملەكەتتىك دۋماسىنىڭ دەپۋتاتى شپەروۆكە سانكسيا جاريالاۋ قاجەت! حالىقارالىق تاجىريبەدە، ەگەر شەتەل ساياساتكەرى دۇشپاندىق اكتىگە جول بەرسە دەرەۋ شارا قولدانىلادى.
وتاندىق بانكتەردە شوتتارى بار، شارۋاشىلىق جۇمىستارىن جۇرگىزۋگە قازاقستانعا كىرۋىنە تيىم سالۋ قاجەت. سونىمەن قاتار، رف مد لەونيد سلۋسكييگە دە! كوپ ادامدار وسى «قايراتكەرلەردىڭ» قازاقستان ەكونوميكالىق مۇددەلەرىن بار ەكەنىن بىلمەيدى.
اشتان قاتسىن!»، - دەلىنگەن جازبادا.
ەسكە سالاتىن بولساق، 2017 جىلدىڭ 26 قاڭتارىندا پارلامەنتتىڭ دوڭگەلەك ۇستەل وتىرىسىندا رەسەيدىڭ ليبەرالدى-دەموكراتيالىق پارتياسىنىڭ دەپۋتاتى شپەروۆ پاۆەل "قازاقستانداعى رەسەيگە تيەسىلى بايىرعى جەرلەردى قايتارۋ " قاجەتتىگىن مالىمدەدى .
