قازاقستاندىق ساياساتتانۋشى «قازاقستاننان بايىرعى ورىس جەرلەرىن قايتارىپ الۋ» تۋرالى رەسەي دەپۋتاتى پاۆەل شپەروۆتىڭ سوزىنە قاتىستى پىكىر ءبىلدىردى، دەپ حابارلايدى tengrinews.kz.
بۇعان دەيىن دە رەسەي مەملەكەتتىك دۋماسىنىڭ دەپۋتاتى پاۆەل شپەروۆتىڭ سوزىنە قاتىستى سىرتقى ىستەر مينيسترلىگى «پوزيسياسىن» بىلدىرگەن ەدى. دەپۋتاتتىڭ ارىزىندا قازاقستاننىڭ شەكاراسىنا بايلانىستى نارازىلىق تالاپتارى كورسەتىلگەن.
«وسى سىندى كەز كەلگەن اڭگىمەلەرگە، مەيلى، ول قايدا ايتىلسىن، جول بەرمەۋ كەرەك. ولار ەڭ الدىمەن ءبىزدىڭ ناقتى پوزيسيامىزدى العا تارتۋى كەرەك. مەن سىرتقى ىستەر مينيسترلىگى بۇل ماسەلە بويىنشا پىكىر بىلدىرگەنىن دۇرىس سانايمىن. مۇنداي اڭگىمەلەردى بولدىرماۋ كەرەك»، – دەپ مالىمدەدى ەرلان قارين رەسەي دەپۋتاتىنىڭ سوزىنە پىكىر ءبىلدىرىپ.
«بۇل سىرتقى ىستەر مينيسترلىگى مەن رەسمي تۇلعالاردىڭ عانا پىكىرىمەن شەكتەلىپ قالماۋى كەرەك. مەن بۇعان قاتىستى ارەكەتىمىز جان-جاقتى بولۋى كەرەك دەپ ويلايمىن. سونىمەن قوسا، مىسالى، «جاعىمسىز تۇلعالاردى» انىقتاپ، ولارعا ەلىمىزگە كەلۋگە تىيىم سالۋ كەرەك جانە تاعى باسقالارى. تەك پىكىر ءبىلدىرىپ قانا شەكتەلىپ قالماۋ كەرەك. ەكى جاقتىڭ كەڭەسىمەن جوققا شىعارۋىن، تۇسىنىكتەمە بەرۋىن تالاپ ەتۋىمىز كەرەك، بۇل جولدار ارقىلى عانا ەمەس جانە باسقا دا جولدارمەن»، – دەپ سانايدى قازاقستاندىق ساياساتتانۋشى.
ەرلان قارين قازاقستاننىڭ جەرلەرى تۋراسىندا ايتىلعان سوزدەر جاي عانا تاۋەلسىز ساراپشىنىڭ عانا پىكىرى ەمەس ەكەنىن العا تارتىپ وتىر.
«مەن ءوزىم جەكە باسىم سايتتا بۇل پارتيانىڭ، اتالمىش تۇلعانىڭ بەرگەن جاۋابىن كوردىم. جانە بەرىلگەن پىكىردە ونىڭ ءوز ويىن وزگەرتكەنى كورىنىپ تۇرعان جوق. ول بۇرىن ايتقانىن قايتالاپ وتىر. كەيبىر رەسەيلىك قىزمەتكەرلەر شەكارا، اۋماق تاقىرىبىن قوزعاۋ – مۇلدەم بوس اڭگىمە ەكەنىن ءتۇسىنۋ كەرەك. بۇل – تالقىلاۋعا جاتپايتىن دۇنيە. سوندىقتان بارلىعى مۇنداي تاقىرىپتاردىڭ كەلەشەگى جوقتىعىن ءتۇسىنۋى قاجەت»، – دەپ پىكىر ءبىلدىردى ەرلان قارين.
ساياساتتانۋشىنىڭ سوزىنشە، مۇنداي پىكىرلەر ارقىلى اۆتورلار وز-وزدەرىنىڭ بەدەلىن تۇسىرەدى.
«مۇنداي پىكىرلەردى قانداي دا ءبىر ساياسي تۇعىرناماسى قالىپتاسپاعان، قانداي دا ءبىر باعىتى جوق ساياسي ەليتانىڭ «ۇرانشىل» توپتىڭ ادامدارى ايتادى»، – دەپ مالىمدەدى ساياساتتانۋشى.
ايتقاندارىن ساراپتاي كەلە، ەرلان قارين مۇنداي جاعدايلار قازاقستان مەن رەسەي اراسىنداعى ەكى ەلدىڭ قارىم-قاتىناسىنا قانداي ىقپالى بار ەكەنىن ايتتى.
«ەكى ەلدىڭ قارىم-قاتىناسى ىنتىماقتاستىققا قۇرىلعان. حالىقارالىق ساياساتتا بولسىن، ايماقتىق ارىپتەستىك بولسىن، بارلىق اكتۋالدى باعىتتا تىعىز قارىم-قاتىناس ورناتىپ، بىرگە جۇمىس جاسايدى. كوپتەگەن باعدارلامالار ىسكە اسىرىلىپ جاتىر. ءبىزدىڭ قارىم-قاتىناسىمىزدا تۇسىنبەۋشىلىك پەن ماسەلە جوق. ايتپاقشى، مۇنداي «توپتىڭ» ادامدارى وسى جاعىن دا ۇعىنۋى كەرەك. ارينە، ولار كوپ زيان تيگىزە قويمايدى، الايدا ولار ءوز ەلىنىڭ مۇددەسىنە قارسى جۇمىس جاساپ وتىرعاندارىن تۇسىنۋلەرى كەرەك»، – دەپ قورىتىندىلادى ساياساتتانۋشى.
