تيشي بوشەميننىڭ ۇلكەن وتباسى بار. سۇيىكتى جۇبايى مەن بەس بالاسى بار – ومىردەن باسقا نە كەرەك؟

ايەل جاقىن ارادا ءومىرىنىڭ كۇرت وزگەرەتىنىن بىلگەن جوق. كورشىسىنە كومەكتەسۋدى ۇيعارعان ءومىرىنىڭ تولىعىمەن وزگەرەتىنىن بىلمەگەن ەدى!

بۇرىن تيشا مەن ونىڭ كورشىسى ودري بىر-بىرلەرىمەن كوپ ارالاسپايتىن. ءارقايسىسى ءوز ىستەرىمەن ومىرلەرىن ءسۇرىپ جاتتى. الايدا ودري ءبىر كۇنى ناۋقاستانىپ، اۋرۋحاناعا جاتۋعا تۋرا كەلەدى. ول كورشىسى تيشادان كومەك سۇرايدى.

كوپ بالالى انا ءبىر كۇن وزگە بالالارعا قارايلاسىپ، كومەك تەسۋگە كەلىسىم بەرەدى.  ءبىراق تاڭەرتەڭ ءۇش بالانىڭ اناسى ۇيىنە كوڭىلسىز ورالادى. دارىگەرلەر ودريدىڭ قاتەرلى ىسىككە شالدىققانىن ايتادى.

سول ساتتەن باستاپ ودري مەن تيشا وتە جاقىن دوستار بولىپ كەتتى. ناۋقاستىڭ قاسىندا ونىڭ ارقا سۇيەر جالعىز ادامى دا بوشەمين حانىم بولىپ شىعادى. تيشا وعان بارلىق جاعىنان قولداپ وتىردى. وكىنىشكە قاراي، ءودريدىڭ كۇنى ساناۋلى ەدى.

ونى ءوزىنىڭ قارا باسىنان گورى، بالالارىنىڭ تاعدىرىنا قاتتى الاڭدادى. سوندىقتان ودري ولەر الدىندا تيشا مەن ونىڭ جۇبايى ەكەۋىنە بالالارىنا قامقور بولۋدى تاپسىرىپ، اسىراپ الۋىن ءوتىندى.

جەتىم قالعان ءۇش بالانى مىنا سۇم زاماندا تاعدىر تالكەگىنە تاستاۋعا قيماي بوشەميندەر وتباسى باتىل قادامعا بارادى. ءودريدىڭ ولىمىنەن كەيىن ولار ءۇش بالانىڭ بارلىعىن اسىراپ الادى. ولاردىڭ جەتى ادامنان تۇراتىن جانۇياسىنا تاعى ءۇش بالا قوسىلادى.

سوعان قاراماستان ءتيشيدىڭ وتباسى جەتىمدەردى جىلى قارسى الدى. ولاردىڭ بالالارعا ءوز بالالارىنداي قاراعانى سونشالىق، اناسىنىڭ جوقتىعى ولارعا قاتتى بىلىنە قويمادى. ۇلكەن وتباسىنى ءۇيدىڭ كىشكەنتايلىعى دا قىنجىلتپادى. الايدا بۇلاي ۇزاققا جالعاسا بەرمەدى...

كۇندەردىڭ ءبىر كۇنى تيشاعا تەلەارنانىڭ وكىلدەرى كەلىپ، وعان تاڭ قالارلىق توسىن سىي جاسادى. ءبىراق بوشەميندەر وتباسىنا بىرنەشە كۇنگە باسقا قوناق ۇيگە قوناقتاۋعا تۋرا كەلدى.

قايتا ۇيىنە ورالعان كەزدە ولار ۇيلەرىن تانىماي قالدى. ۆيدەونىڭ 01:06 مينۋتىنان باستاپ، تيشاعا قانداي توسىن سىي جاساعانىن بىلە الاسىزدار.

مەيىرىمدى ادامدار ۇيگە جوندەۋ جۇمىستارىن جۇرگىزىپ قانا قويماي، ىشىنە جاڭا جيھازدار كىرگىزىپ بەردى. ولار سونداي-اق، ۇلكەن ۇلىنا بولەك پاتەر جالداۋعا قوماقتى اقشا بەردى جانە وتباسىنى ءبىر جىل بويى ازىق-تۇلىكپەن قامتاماسىز ەتىپ وتىراتىن بولدى. ارينە، مۇنى كورگەن ءتيشيدىڭ قۋانىشىندا شەك بولمادى!