30 جاستاعى ايەل 60 جاستاعى كوڭىلدەسىنەن $100 000 تالاپ ەتىپ، بەرمەگەن جاعدايدا الەۋمەتتىك جەلىلەرگە ينتيمدىك سۋرەتتەرىن جاريالايمىن دەپ قورقىتىپ وتىر، دەپ حابارلايدى informburo.kz، اقپاراتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

1957 جىلعى ەر ادام كوڭىلدەسىنەن مۇنداي حابارلاما العاننان سوڭ ءوزى بارىپ پولياسياعا شاعىمدانعان. ناتيجەسىندە، الەۋمەتتىك جەلىلەرگە ۋياتسىز سۋرەت تاراتامىن دەپ بوپسالاعان ايەل اقشانى الىپ جاتقان كەزىندە قولعا تۇسكەن. ق ر قىلمىستىق كودەكسىنىڭ 194 بابى بويىنشا «قورقىتىپ اقشا الۋ» ايىبى تاعىلعان.

پوليسيا قىزمەتكەرلەرىنىڭ ايتۋىنشا، 2016 جىلى وقو-دا 5 وسىنداي مازمۇنداعى قىلمىس تىركەلگەن. سونىمەن قاتار بارلىق قىلمىستار قىلمىسكەرلەر مەن الەۋمەتتىك جەلى قۇرباندارىنىڭ تانىسۋىنان كەيىن بولعان.

«2016 جىلدىڭ سوڭىندا سارىاعاش اۋداندىق پوليسيا باسقارماسىنا 26 جاستاعى بويجەتكەن جەكە باسىنا قاتىستى سۋرەتتەرىن ينتەرنەت جەلىسىنە جاريالايمىن دەپ قورقىتىپ، 800 000 تەڭگە كولەمىندە اقشا تالاپ ەتىپ وتىرعاندىعىن ايتىپ شاعىمدانعان بولاتىن. ىزدەۋ جۇمىستارى بارىسىندا پوليسيا قىزمەتكەرلەرى 1983 جىلعى سول جەردىڭ تۇرعىنىن قولعا ءتۇستى. ايىپتالۋشى بۇل ىس-ارەكەتىن ءوزىنىڭ ماتەريالدىق جاعدايىن جاقسارتپاق بولدىم دەپ ءتۇسىندىردى. دالەل رەتىندە تەرگەۋ بارىسىندا قوماقتى قارجى، فوتوسۋرەتتەر مەن ۆيدەولار تاركىلەندى. قىلمىسكەر ۇستالدى، ەندىگى كەزەكتە سوتقا دەيىنگى تەرگەۋ جۇمىستارى جۇرگىزىلىپ جاتىر»، - دەپ، وقو ىشكى ىستەر دەپارتامەنتىنىڭ مەملەكەتتىك ءتىل مەن اقپاراتتاردى دامىتۋ ءبولىسىنىڭ جەتەكشىسى سالتانات قاراكوزوۆا بىلتىرعى جىلدىڭ سوڭىندا بولعان جاعدايدى مىسالعا كەلتىرە وتىرىپ، مالىمدەمە جاسادى.

23 قاڭتار كۇنى سارىاعاش اۋدانىنىڭ تاعى ءبىر تۇرعىنىن ءدال وسىنداي ايىپپەن جەتى جىلعا باس بوستاندىعىنان ايىرعان. 31 جاستاعى ەر ازامات وتكەن جىلدىڭ تامىز ايىندا ءبىر ايەلمەن تانىسىپ، ارى قاراي ەكەۋىنىڭ قارىم-قاتىناسى ماحابباتقا ۇلاسقان. الايدا، ءبىر كۇنى قوناقۇيدەگى كەزدەسۋدە ەر ادام ايەلدەن 10 ميلليون تەڭگە تالاپ ەتىپ، بەرمەگەن جاعدايدا ونىڭ ينتيمدىك سۋرەتتەرىن ينتەرنەت جەلىسىنە تاراتامىن دەپ قورقىتقان. سوتتىڭ شەشىمىن ەستىگەن كەزدە بەس بالاسى بار ەركەك كوز جاسىنا ەرىك بەرىپتى.