جەمقورلىققا قارسى ۇلتتىق بيۋرو قىزمەتكەرلەرى مەملەكەتتىڭ كىرىس دەپارتامەنتى مەن ىشكى ىستەر مينيسترلىگىنىڭ شەندىلەرىن قولعا ءتۇسىردى، دەپ حابارلايدى zakon.kz، اقپاراتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ىشكى ىستەر مينيسترلىگىنىڭ باتىس اسكەري تەرگەۋ دەپارتامەنتى وبلىستىق باسقارۋ ءبولىمىنىڭ اقتوبەلىك باسشىسى ابدۋللايەۆ س. اشكەرە بولدى. ول ۇقك-نىڭ اسكەري قىزمەتكەرلەرىن جاۋاپقا تارتپاۋ ءۇشىن ولاردان 20 ميلليون تەڭگە قارجى تالاپ ەتكەن. ابدۋللايەۆ س. ۇستالىپ، اقتوبە قالاسىنداعى ۋاقىتشا قاماۋ يزولياتورىنا جەتكىزىلدى.

پارانىڭ ءبىر بولىگىن، ياعني 700 مىڭ قارجىنى الىپ جاتقان جەرىنەن قولعا تۇسكەن.

سونىمەن قاتار، اياكوز اۋدانىنىڭ مەملەكەتتىك كىرىس دەپارتامەنتىنىڭ باسشىسىنا 250 مىڭ تەڭگە كولەمىندە پارا ۇسىنعان شقو-داعى وسى مەكەمەنىڭ كومەندانتى قوجايەۆا ج. ۇستالدى.

مۇنداي سىياقىنى جاساۋىنىڭ سەبەبى - اياكوزدەگى ورتالىق بازاردا الكاگولدى ىشىمدىكتەردى ساتۋعا رۇقسات ەتىپ، جالپى ءوزىنىڭ قامقورلىعىنا الۋى ەكەن.

قوجايەۆا ج. اياكوز اۋدانىنداعى ۋاقىتشا قاماۋ يزولياتورىنا جەتكىزىلدى.

ءقازىر سوتقا دەيىنگى تەرگەۋ جۇمىستارى جۇرگىزىلىپ جاتىر.