قازاقستان قىرعىزستانعا 100 ميلليون دوللار كولەمىندە تەحنيكالىق كومەك كورسەتپەك. بۇل قاراجات «جول كارتاسىمەن» قاراستىرىلعان قارجىلاندىرۋ بويىنشا بەرىلەتىن اقشا. بۇل تۋرالى بىشكەكتە وتكەن بريفينگتە قازاقستاننىڭ قىرعىزستانداعى ەلشىسى ايىمدوس بوزجىگىتىتوۆ مالىمدەدى دەپ حابارلايدى ق ر ءسىم.

«بولىنگەن قارجى كەدەندىك جانە تەحنيكالىق ينفراقۇرىلىمدى جابدىقتاۋعا جانە تاجىريبە جۇرگىزىلىپ وتىرعان ەلدىڭ زەرتحاناسىن مودەرنيزاسيالاۋ ءۇشىن جۇمسالادى» دەدى ەلشى.  

بوزجىگىتىتوۆ قازاقستان مەن قىرعىزستاننىڭ جاڭا ارىپتەستىك قارىم-قاتىناس دەڭگەيىنە شىققانىن ايتتى.

«قازاقستان قىرعىزستاننىڭ ساۋدا-ەكونوميكالىق جانە ينۆەستيسيالىق باستى سەرىكتەسى بولىپ تابىلادى جانە اتالمىش ەلدىڭ  سىرتقى ساۋدا اينالىمىندا ءۇشىنشى ورىندى الادى. ەكى جاقتى تاۋار اينالىمىنىڭ قارقىنى بىلىنەدى. 2016 جىلدىڭ 11 ايلىق قورىتىندىسى بويىنشا ەكى جاقتى ساۋدا 1،2% ءوستى جانە 746،6 ميلليون اقش دوللارىن قۇرادى. قىرعىزستاندا 300 ورتاق كاسىپورىن جۇمىس ىستەيدى. ءبىرشاماسى 100% قازاقستاننىڭ كاپيتالىمەن جۇمىس ىستەۋدە» دەدى بوزجىگىتوۆ.

قىرعىزستاندا 35 مىڭ ەتنيكالىق قازاقتار تۇرادى جانە ەكى مىڭعا جۋىق قازاقستاندىق ستۋدەنت ءبىلىم الىپ جاتىر.