قوستانايدىڭ ەكى بالاسى سۋيسيد جاساماق بولعان دەپ حابارلايدى alau.kz. بۇل اقپاراتتى قوستاناي وبلىستىق پروكۋراتۋرا باسشىسى قايرات ءجۇسىپوۆ راستادى.
2017 جىل 6 اقپاندا قوستاناي قالاسىنىڭ ءىىب قىزمەتكەرلەرى كامەلەت جاسقا تولماعان بالالاردىڭ وزىنە قول جۇمساماق بولدى دەگەن فاكتىسى بويىنشا تەكسەرۋ جۇمىستارىن باستادى.
«قازىرگى تاڭدا Instagram جانە ۆ كونتاكتە الەۋمەتتىك جەلىسىندە دەنساۋلىققا قاساقانا زيان كەلتىرەتىن جانە ولىمگە اكەلەتىن ويىندار كەڭ تارالا باستادى. وسى ويىنداردىڭ اسەرىمەن قوستانايلىق ەكى قىز ودەرىنە قول جۇمساماق بولعان. ولار 2003 جىلدىق تۋماسى. ابىروي بولعاندا قىزداردىڭ بۇل ارەكەتىنەن امان الىپ قالدى» دەيدى قايرات ءجۇسىپوۆ.
تەرگەۋ امالدارى ق ر قك 105 بابى بويىنشا جۇرگىزىلۋدە.
بۇدان بۇرىن «قازاقستاننىڭ وتباسى جانە وتباسىلىق قۇندىلىقتاردى قولدايتىن اتا-انالار اسسوسياسياسى» ازاماتتاردى «سينيي كيت» ويىنىنان بالالاردى قورعاۋعا شاقىردى.
