«ساياسي كالام. تريبۋنا» گازەتىنىڭ باس رەداكتورى جانبولات ماماي تۇتقىندالدى دەپ جازدى «KazINFO Today». بۇل تۋرالى جەمقورلىققا قارسى ۇلتتىق بيۋرو مالىمدەگەن. اقپاراتقا ساي، تۇتقىنداۋ «بتا بانك» ەكس-باسشى مۇحتار ءابىلازوۆ پەن سىبايلاستارىنا قاتىستى تەكسەرۋ اياسىندا بولعان.

بيۋرو تاراتقان اقپاراتقا ساي جانبولات ماماي وليگارح مۇحتار ءابىلازوۆتىڭ قۇپيا تۇردە قارجىلىق قولداۋىنا يە بولدى دەپ ايىپتالىپ وتىر.

ايتا كەتەتىن بولساق، بىلتىردان بەرى قازاقستاندا ب ا ق وكىلدەرىن تۇتقىنداۋ جيىلەپ كەتتى. جەمقورلىققا قارسى ءىس-قيمىل جونىندەگى ۇلتتىق بيۋرو اكەلى-بالالى سەيىتقازى جانە اسەت ماتايەۆتاردىڭ ۇستىنەن جەمقورلىق فاكتىلەرى بويىنشا قىلمىستىق ءىس قوزعادى. 2016 جىلى 3 قازاندا استانا قالالىق ەسىل اۋدانىنىڭ 2№ سوتى س. ماتايەۆتى سالىق تولەۋدەن جالتاردى، الاياقتىق جاسادى دەپ تاۋىپ، 6 جىلعا باس بوستاندىعىنان ايرىلدى. ال، س. ماتايەۆتىڭ ۇلى «قازتاگ» حالىقارالىق اقپارات اگەنتتىگىنىڭ باسشىسى اسەت ماتايەۆتى «الاياقتىق» بابى بويىنشا 6 جىلعا باس بوستاندىعىنان ايىردى.

سوت CentralAsiaMonitor باس رەداكتورى جانە Radiotochka.kz سايتىنىڭ ديرەكتورى بيگەلدى عابدۋلين دە تۇتقىندالىپ، جامبىل وبلىستىق اكىمدىگىنەن ول 10 ميلليون تەڭگە كولەمىندەگى بيۋدجەت قارجىسىن بوپسالادى دەگەن ايىپ تاعىلعان بولاتىن. كەيىننەن ەلباسىنىڭ راقىمشىلىعىمەن بوساپ شىققانى حابارلاندى.