الماتىدا وتكەن 28ء-شى دۇنيەجۇزىلىك قىسقى ۋنيۆەرسيادا ويىندارى ءوز مارەسىنە جەتتى. قازاقستان قۇراماسى ەلىمىزدە وتكەن ۋنيەرسيادا ويىندارىندا بارلىعى 36 مەدال يەمدەندى. ونىڭ 11ء-ى التىن، 8ء-ى كۇمىس، 17ء-ى قولا مەدال. جۇلدەگەرلەرگە قانشالىقتى قاراجات جۇمسالعانى تۋرالى sportportal.kz جازدى.

ۋنيۆەرسيادا ويىندارى باستالماي تۇرىپ سپورت جانە مادەنيەت ءمينيستىرى ارىستانبەك مۇحمەدي ۇلى ۋنيۆەرسيادا جەڭىمپازدارى 4،9 ميلليون تەڭگە، كۇمىس جۇلدەگەرلەرى 3،3 ميلليون تەڭگە، قولا جۇلدەگەرلەرى 1،6 ميلليون تەڭگە كولەمىندەگى سىياقى الاتىندىقتارىن مالىمدەگەن بولاتىن. جۇلدەگەرلەردىڭ باپكەرلەرى دە ءدال سونداي سومماداعى سىياقىعا يە بولادى.

شايبالى حوككەيدەن ەلىمىزدىڭ ەرلەر قۇراماسى فينالدىق كەزدەسۋدە رەسەي قۇراماسىنا جول بەرگەن بولاتىن. وسىنداي ناتيجەلەرىنە قاراماستان قۇرامامىزدىڭ 23 ويىنشىسىنىڭ ءارقايسىسى 3،3 ميلليون تەڭگەدەن الادى.

ءبىرىنشى ورىن يەلەنگەن سپورتشىلارعا بەرىلەتىن جالپى اقشا 63 ميلليون 700 مىڭ تەڭگە بولسا، كۇمىس جۇلدەگەرلەرگە 125 ميلليون 400 مىڭ تەڭگە، قولا مەدال العان سپورتشىلارعا جالپى 40 ميلليون تەڭگە بەرىلەدى. سپورتشىلاردىڭ باپكەرلەرىنە دە جۇزدەگەن ميلليوندار جۇمسالماق. جالپى ۋنيۆەرسيادا جۇلدەگەرلەرى مەن ولاردىڭ باپكەرلەرىنە 458 ميلليون 200 مىڭ تەڭگە تولەنەدى.

28ء-شى دۇنيەجۇزىلىك ۋنيەرسيادا ويىندارىنا قاتىسقان باسقا ەلدەر سپورتشىلارىنىڭ ايتۋىنشا ولارعا جۇلدەلى ورىندارى ءۇشىن ەشقانداي سىياقى قاراستىرىلماعان.

ەڭ باستى ايتا كەتەتىنىمىز 458 ميلليون تەڭگە رەسپۋبليكالىق بيۋدجەتتەن بولىنەتىن بولادى.