ق ر باس پروكۋرورى جاقىپ اسانوۆ، ق ر ءىىم قالمۇحانبەت قاسىموۆتىڭ نازارىنا

بىرنەشە كۇن بۇرىن مىناداي سۇمدىقتى ەستىپ جاعامىزدى ۇستادىق.

عالامتورعا بەلگىسىز بىرەۋلەر «قازاق قىز-كەلىنشەكتەرى قالاي كىشى دارەتكە وتىرادى» دەگەن تاقىرىپپەن ۆيدەو جاريالاعان. ەڭ سوراقىسى سول – ۆيدەوعا تەك ۇلتى قازاق ايەلدەردى تۇسىرگەن. وندا 10 شاقتى قارا كوز قىزدار مەن ايەلدەردىڭ دارەتحاناعا وتىرعانىن اشىق كورىنەدى.

ۆيدەونى قاي ەلدى-مەكەندە تۇسىرگەنى بەلگىسىز، الايدا كۇن جىلى كەزدە تۇسىرىلگەنى بەلگىلى. قارا كوز قىزدارىمىزدى ماسقارالاپ تۇسىرگەن اتالمىش ۆيدەو عالامتوردا كەڭىنەن تارالىپ، كورۋشىلەردىڭ سانى مىڭنان اسادى.

مۇنداي سوراقىلىق ىسكە بارعان ازاماتتاردىڭ كىم ەكەنىن انىقتاۋ مۇمكىن بولماي وتىر. ولار ۆيدەونى جاساۋ ءۇشىن ابدەن دايىندالىپ، ءبىراز جۇمىس اتقارعانى كورىنىپ تۇر. ەڭ الدىمەن، ولار دارەتحانانىڭ استىنا جانە كىرەبەرىسىنە كامەرا ورناتقان. دارەتحاناعا كىرگەن قىز كەلىنشەكتەردىڭ بەت-جۇزىن انىق ءتۇسىرىپ، ودان كەيىن دارەتحانانىڭ استىنان تۇسىرگەن كامەرا ارقىلى قىزداردىڭ دارەتحاناعا وتىرعانىن كورسەتكەن. ۆيدەوعا ءتۇسىپ قالعانداردىڭ ىشىندە اق شاشتى قاريا اجە دە، ورتا جاستاعى ايەل دە، جاس قىز دا بار. ۆيدەونىڭ اتاۋىنا ساي جانە ونداعى ايەلدەردىڭ بەت-الپەتىنە قاراپ قازاقتاردى عانا تۇسىرگەن دەپ توپشىلايمىز. وسىدان ۆيدەونى جاساۋشىلاردىڭ الدىن-الا بارلىعىن ويلاستىرىپ، بەلگىلى ءبىر ماقسات كوزدەگەنىن اڭعارۋعا بولادى.

بۇل سوراقىلىقتىڭ الدىن الماسا، ءالى تالاي قاراكوز قىز-كەلىنشەكتەر ادامنىڭ جەكە باسىن قورلايتىن اتالمىش ۆيدەو اۆتورلارىنىڭ قۇربانىنا اينالۋى مۇمكىن. ولاردىڭ قاتارىنان كەز كەلگەنىمىزدىڭ انامىز، اپكە-سىڭلىلەرىمىز نەمەسە قارىنداس باۋىرلارىمىز كورىنىپ قالماسىنا دا كىم كەپىل؟! ەڭ قورقىنىشتىسى – مۇنداي بىلىق ىس-ارەكەتتەر الەمگە تارالىپ، ۇلتتىق نامىسىمىزعا ءتيىپ، قازاق حالقىن اياق استى ەتكىسى كەلەتىندەردىڭ سانى ارتۋى ابدەن مۇمكىن. سول سەبەپتى دە بۇل ماسەلەگە بەيجاي قاراماي، قىلمىسكەرلەردى قۇرىقتاپ، باسىن اشىپ الۋ قاجەت دەپ ويلايمىز.

اتالمىش ۆيدەو ادامنىڭ جەكە باسىن قورلايتىن، مازاق ەتۋ ماقساتىندا تۇسىرىلگەنى ءمالىم. ول – تەك ءبىر ادامعا عانا ەمەس، بۇكىل  ۇلتىمىزعا تيگىزەر كەسىرى مول ماتەريال. سوندىقتان "قامشى.كز" پورتالى ق ر كونستيتۋسيالىق زاڭى بويىنشا، بۇل ءىستى اتقارۋشىلاردى تاۋىپ، جەكە باستى قورلاۋ بابىمەن زاڭمەن قۋدالاۋدى سۇرايدى. سونىمەن قاتار «قازاق ايەلدەرى قالاي كىشى دارەتكە وتىرادى» دەگەن تاقىرىپپەن عالامتوردا تاراعان ۆيدەونى ءوشىرىپ تاستاۋلارىڭىزدى تالاپ ەتەدى.

ەل الدىندا ەتەگىن اشپاعان، ار-ادەپتى ساقتاعان قاراكوز قىز-كەلىنشەكتەرىمىزدى بۇلاي قورلاۋىنا جول بەرمەي، جەدەل تۇردە ماسەلەنىڭ ءمان-جايىن انىقتاپ، بۇل ءىستى جەدەل تۇردە جۇگەندەۋ قاجەت دەپ ەسەپتەيمىز.

"قامشى.كز" پورتالى بۇل حاتتىڭ ەلەكتروندى نۇسقاسىن  ق ر ءىىم مەن ق ر باس پروكۋراتۋراسىنىڭ ەلەكتروندى پوشتاسىنا جىبەرەدى.

قامشىگەر:  نازەركە لابيحان